Романија се залага за план на ЕУ за интеграција на Ромите

07/11/2007

БУКУРЕШТ, Романија -- Претседателот Трајан Башеску во вторникот (6-ти ноември) ја повика ЕУ да подготви програма за интегрирање на ромското малцинство, по убиството минатата недела на една жена во Рим, наводно од страна на млад Романец од ромско потекло. Случајот ги залади односите помеѓу двете земји. „Мораме да признаеме дека најсериозните проблеми се поврзани со романските граѓани од ромско потекло“, рече Башеску во интервјуто за Романската државна телевизија. Обидите тие да се смират се осудени на пропаст поради тоа што „номадскиот стил на живеење е дел од нивната култура“, додаде тој.

Во другите вести од вторникот, комесарот за правда на ЕУ, Франко Фратини, ја пофали Романија за напредокот во примената на стратешките судски реформи, велејќи дека „ситуацијата се подобрува во изминатите три години“. Минатата година владата одобри акционен план за судските реформи и борбата против корупцијата. (Meдиафакс - 07/11/07; АФП, БНР, Hotnews.ro - 06/11/07)