СП ги исклучи поддржувачите на Нано од своите редови

28/08/2007

TИРАНА, Албанија -- Социјалистичката партија (СП) во понеделникот (27-ми август) официјално ги исклучи шестмината „бунтовници“ кои излегоа од нивните редови минатиот месец и го поддржаа претставникот на Демократската партија Бамир Топи за претседател. Нивната поддршка, и покрај повиците за бојкот од страна на СП, ги наклонија изборите на негова страна. „Газета Шкиптаре“ објави дека на состанокот му недостасувала вжештена дебата, бидејќи двајцата главни противници на водачот на СП, Еди Рама, Арбен Малај и Пандели Мајко -- биле отсутни.

За време на состаникот, водачите на СП, исто така, ја одобрија новата политичка програма на партијата, која го покрива периодот од септември до јуни. Тие разговараа за работата што треба да се заврши до крајот на оваа година и проектите за 2008 година. (Кохајоне, Шекули, Газета Шкиптаре - 28/08/07; Балканвеб - 27/08/07)