Главниот нигериски дипломат во Грција повика на смиреност помеѓу емигрантската заедница
23/08/2007
AТИНА, Грција -- Главниот нигериски дипломат во Грција, вршителот на амбасадорската функција Мохамед Сани Доле, во средата (22-ри август) го повика своите сонародници да останат смирени, по смртта минатата недела на 25-годишниот нигериски имигрант. Човекот, кој продавал пиратски цедеа во една кафетерија во Солун, скокнал од прозорецот бидејќи претпоставил дека двајцата мажи таму дошле да го уапсат. Инцидентот предизвика серија протести од страна на заедницата на нигерискиот имигрант. Во понеделникот демонстрантите во Солун побараа истрага за инцидентот.
На одделни демонстрации во вторникот, некои во толпата почнаа да фрлаат камења на локалната телевизиска станица, поради што полицијата мораше да употреби солзавец. Доле се состана со началникот на полицијата во средата, по што за новинарите изјави дека е започната истрага и дека во тек се напори за пронаоѓање на двајцата мажи. (Ројтерс, Алфа ТВ, МИA - 22/08/07)