Постигнат договор во врска со проектот за нафтоводот Бургас-Александрополис

29/01/2007

СОФИЈА, Бугарија -- Руски, грчки и бугарски експерти за енергија се согласија со текстот на договорот за отпочнување на долго време одолговлекуваниот нафтовод Бургас-Александрополис. Бугарскиот министер за регионален развој и јавни работи, Асен Гагаузов, во петокот (26-ти јануари) рече дека двата дена трилатерални консултации што се одржаа во Софија резултирале со текст кој ги задоволува сите три страни. Според извештаите на печатот, Русија ќе има 51 отсто во заедничкото претпријатие што ќе го води проектот и сите објекти поврзани со истиот, додека Бугарија и Грција ќе имаат по 24,5 отсто. Повеќе информации се очекуваат на церемонијата на потпишување, закажана за 7-ми февруари.

Нафтоводот ќе ги поврзува Црното Море и Егејското Море, избегнувајќи ги високите транзитни трошоци преку Босфорот. (Дневник, 24 Часа, Нафтемпорики - 29/01/07; Фокус, АФП - 28/01/07)