Босанската изборна комисии ги потврди резултатите од изборите на 1-ви октомври

29/10/2006

САРАЕВО, Босна и Херцеговина (БиХ) -- Централната изборна комисија (ЦИК) во петокот (27-ми октомври) ги потврди резултатите од општите избори на 1-ви октомври. Харис Силајџиќ од Партијата за БиХ (СБиХ) беше избран за бошњачки член на трипартитното претседателство. Жељко Комшиќ од Социјалдемократската партија (СДП) е хрватски член и Небојша Радмановиќ од Сојузот на независните социјалдемократи (СНСД) е српски член. Тие ќе дадат свечена заклетва на 6-ти ноември. Милан Јелиќ од СНСД е нов претседател на Република Српска (РС).

Во Претставничкиот дом на БиХ ќе доминира Бошњачката партија за демократска акција (СДА), СБиХ, СНСД, СДП и коалицијата предводена од Хрватската демократска заедница (ХДЗ) и Српската демократска партија (СДС). СДА, СБиХ, СДП и коалицијата предводена од ХДЗ ќе доминираат во парламентот на Федерацијата на БиХ. Во собранието на РС, тоа ќе бидат СНСД, СДС и Партијата за демократски напредок. (Независне новине, Дневни аваз - 28/10/06; РТРС - 27/10/06)