Македонскиот премиер повика на мерки за градење на довербата
27/09/2006
СКОПЈЕ, Македонијa -- Премиерот Никола Груевски во вторникот (26-ти септември) предложи избегнување на популистичката реторика во земјата и фокусирање на мерките за градење доверба. Говорејќи на конференцијата насловена како „Охридскиот рамковен договор: Пет години подоцна“, Груевски повика на широк политички консензус за главните цели на земјата -- европска интеграција, подобри меѓуетнички односи и економски раст.
Во другите вести од вторникот, парламентарната комисија го одобри нацрт-законот за полицијата, по што во петок тој ќе биде ставен на дневен ред на парламентот. Оваа мерка е клучна за пристапот во ЕУ. (Вечер, Дневник - 27/09/06; MИА, Макфакс, А1 ТВ - 26/09/06)