Американскиот секретар за одбрана ги посети Црна Гора и Албанија

27/09/2006

ТИРАНА, Албанија -- Американскиот секретар за одбрана, Доналд Рамсфелд, во вторникот (26-ти септември) ги посети Црна Гора и Албанија, на разговори околу воената соработка со двете земји и глобалната војна против тероризмот. Во Подгорица премиерот Мило Ѓукановиќ го увери дека Црна Гора е „подготвена да учествува во коалицијата предводена од САД во борбата против терористичката закана кон глобалниот мир“. Рамсфелд, од своја страна, вети американска помош во реформата на црногорските вооружени сили, како и поддршка за кандидатурата на оваа балканска земја за влез во НАТО.

Во Тирана, Рамсфелд доби уверување од министерот за одбрана, Фатмир Медиу, дека Албанија ќе ја задржи својата воена единица во Ирак до крајот на операцијата таму. Во средата Рамсфелд учествуваше на годинешната конференција на министрите за одбрана од земјите во Југоисточна Европа, која се одржа во Тирана. (Побједа, Вијести, Албански вести - 27/09/06; AФП, Ројтерс, АП, веб-страница на албанскиот претседател, Ксинхуа - 26/09/06)