Тихиќ ќе се кандидира за втор мандат како босански член на Претседателството на БиХ

28/06/2006

САРАЕВО, Босна и Херцеговина (БиХ) -- Претседателството на главната Босанска партија за демократска акција (СДА) во вторникот (27-ми јуни) едногласно одлучи да го номинира водачот на СДА, Сулејман Тихиќ, за свој кандидат за босански член на трипартитното претседателство на БиХ на општите избори во октомври. Тихиќ со ова ќе се кандидира за втор мандат. Претседателството на СДА, исто така, одлучи да го номинира Адил Османовиќ за претседател на Република Српска.

Во меѓувреме, комесарот за проширување на ЕУ, Оли Рен, ја потврди подготвеноста на Унијата за продолжување на поддршката за БиХ. Но, тој, исто така, ги повика политичарите во земјата да бидат одговорни. Во интервјуто за „Дневни аваз“, објавено во средата, Рен ги критикуваше доцнењата во клучните полициски реформи и соработката со Трибуналот на ОН за воени злосторства. (Дневни аваз - 28/06/06; РТРС, Срна, Pincom.info, Фена - 27/06/06)