Висок претставник на Трансформацијата на НАТО ја посети Бугарија

10/03/2006

СОФИЈА, Бугарија -- Генерал Ленс Л. Смит, врховен командант на Сојузната команда за трансформации на НАТО и командант на американските здружени сили, во петокот (10-ти март) ја започна дводневната посета на Бугарија. На агендата ќе доминираат прашањата кои се однесуваат на соработката помеѓу бугарската војска и Командата за трансформација на НАТО.

Во другите вести, Марк Пекала, американскиот заменик помошник секретар во Бирото за европски и евроазиски прашања, во средата ја посети Романија, а во четвртокот ја посети Бугарија. Неговите состаноци со владините претставници се фокусираа претежно на воспоставувањето на американски воени бази на териториите на двете земји-членки на НАТО, како и на безбедноста во регионот на Црното Море и Западен Балкан. (БНР - 10/03/06; веб-страница на бугарската влада, Девет часот - 09/03/06)