Дел Понте вели дека Хрватска не соработува доволно

09/06/2005

ЊУЈОРК, САД -- Хрватска не постигна доволно напредок во обидот за апсење на бегалецот Анте Готовина, вели главниот обвинител на ОН, Карла дел Понте, во извештајот до Советот за безбедност на ОН, објавен во средата (8-ми јуни). Таа ги опиша напорите на Загреб како нефокусирани и неубедливи, додавајќи дека ќе бидат потребни уште неколку месеци за да се определи дали владата го спроведува својот акционен план за фаќање на Готовина преку преземање на остри мерки против неговата мрежа на поддршка. Комесарот за проширување на ЕУ, Оли Рен, издаде сопствено соопштение, во кое бара од Хрватска „да ги зајакне своите неодамнешни напори“ и се истакнува дека целосната соработка е клучна за започнување на разговорите за пристап. Овие разговори првично беа закажани за март. Според извештајот во хрватскиот неделник „Глобус“, Дел Понте се крие во Мостар, град во соседна Босна и Херцеговина, претежно населен со Хрвати. (Блумберг, ЕУ Опсервер, Index.hr, Tанјуг - 08/06/05)