Посетата на Санадер ги зајакнува врските меѓу Загреб и Белград

16/11/2004

БЕЛГРАД, Србија и Црна Гора -- Хрватскиот премиер Иво Санадер во понеделникот (15-ти ноември) допатува во историска посета на Белград, во обид за понатамошно нормализирање на односите. Претседателот на Србија и Црна Гора, Светозар Маровиќ, по посетата изјави дека тој и хрватскиот водач ги потврдиле „заедничките политички интереси“ на двете земји -- подобри билатерални односи, зајакнување на регионалната стабилност и напредок кон членство во ЕУ. Санадер, исто така, се состана со српскиот премиер Воислав Коштуница. Тие разговараа за отворените прашања, како што е враќањето на бегалците и потрагата по исчезнатите лица. (Данас - 16/11/04; Ројтерс, АП, АФП, УПИ, Б92, Танјуг, Хина - 15/11/04)