Србија
претседателски избори
13/06/2004
Извор: setimes.com; electionguide.org
Србија
Краток преглед на изборите
Борис Тадиќ, водач на прореформската Демократска партија, беше избран за српски претседател на 27-ми јуни 2004-та година, во вториот круг од изборите. На првиот круг, на 13-ти јуни 2004-та година, ниту еден од кандидатите не освои 50 отсто од гласовите. Во вториот круг борбата беше помеѓу Тадиќ и кандидатот на Српската радикална партија Томислав Николиќ.
Според Центарот за слободни избори и демократија, Тадиќ освои 53,9 отсто од гласовите. Николиќ освои 46 отсто.
Во текот на кампањата, Тадиќ се залагаше за соработка со Запад, мирно решение на косовскиот проблем, продолжување на реформите и влез во ЕУ за што е можно пократко време. Се очекува резултатот од изборите да й помогне на Србија да го продолжи својот пат кон асоцијација со ЕУ, програмата Партнерство за мир, како и други европски и НАТО организации.
Претставниците на ЕУ ја отпоздравија веста. Шефот на европската мисија во Белград, Џефри Берет, рече дека Унијата е „многу задоволна“ со изборот на Тадиќ.