Србија
парламентарни избори
11/05/2008
Извори: SETimes, Центар за слободни избори и демократија
Изборен преглед
Гласачите на 11-ти мај излегоа на гласање, на вторите парламентарни избори во Србија за помалку од 18 месеци. Изборите беа распишани откако владата падна на 8-ми март поради несогласувањето помеѓу Демократската партија на Србија (ДСС) на премиерот Воислав Коштуница и Демократската партија (ДС) на претседателот Борис Тадиќ во врска со Косово и понатамошната европска интеграција.
Коштуница и неговата Демократска партија на Србија (ДПС) веруваат дека земјата не треба да пристапи во ЕУ додека членките на Унијата не го признаат суверенитетот на Србија над Косово. Независноста на Приштина досега е признаена од 20 од вкупно 27 членки на ЕУ. Партијата на Тадиќ има проевропска база.
ДС, која се залага за брза интеграција во ЕУ, освои 103 од вкупно 250 места во парламентот, со што стави крај на долготрајната доминација на екстремно десничарската Српска радикална партија, која ќе има 77 места.
ДСС освои 30 места, додека Социјалистичката партија на Србија ќе има 20. Либерално демократската партија ќе има 13 места, додека партиите што ги претставуваат етничките малцинства ќе имаат најмногу 10 места. Одѕивот на гласачите изнесуваше околу 61 отсто.