Политички систем

Бугарија е парламентарна република основана на принципите на поделба на власта на законодавна, извршна и судска. Уставот е највисок закон на државата.

Претседател

Претседателот е шеф на државата и има генерална власт како врховен командант на војската и претседател на Националниот совет за безбедност. Тој ги има следните права: доделување на одликувања, именување градови, села и географски места, објавување во Службениот весник на закони усвоени од Националното собрание, каде што е надлежен да наметнува вето за одложување итн. Претседателот се избира директно од електоратот според системот на мнозинска застапеност на секои 5 години, со максимум два петгодишни мандати. Заменик-претседателот му помага на претседателот.

President: Георги Парванов (од 22-ри јануари, 2002 година)

Извршна власт

Извршната власт е право на Советот на министри предводен од премиерот. Премиерот се бира од Националното собрание со четиригодишен мандат и е обврзан да предложи влада. Премиерот може да му предложи персонални промени во владата на националното собрание. Премиерот ги одредува и назначува регионалните гувернери кои се тела на Извршната власт во соодветните административни единици (региони). Советот го сочинуваат сите министри и претседатели на комисии по ранг еднакви на министерствата. Освен што е највисоко извршно тело, советот усвојува и објавува одредени акти на делегираната легислатива – декрети, укази, регулативи, резолуции и инструкции, и е надлежен да иницира усвојување закони со изготвување, разгледување и доставување предлог-закони до националното собрание. Националното собрание може да ја распушти владата со гласање за недоверба.

Премиер: Бојко Борисов

Законодавна власт

Законодавниот дом е концентриран во Националното собрание кое се бира со системот на пропорционална застапеност од универзалната возрасна граница за гласање со четиригодишен мандат. Националното собрание се наоѓа во Софија и има право според уставот и законите со генерална надлежност да донесува статутарни акти и резолуции, да усвојува декларации итн.

Судска власт

Судството го сочинуваат судови, обвинители и истражни судии кои се назначуваат, унапредуваат, деградираат и разрешуваат од Врховниот судски совет (ВСС). ВСС го сочинуваат претседателите на двата врховни суда, јавниот обвинител и 22 члена, од кои половина се бираат од Националното собрание, а другата половина од телата на судската власт со 5-годишен мандат. Има три нивоа на проверка на случаите и 182 судови од кои двата врховни судови дејствуваат како последна инстанца за граѓанските и кривичните случаи (Врховен суд на казација) и за жалбите на владините одлуки (Врховен административен суд).