Култура и спорт: Олимпискиот факел на пат кон Сингапур

28/07/2010

Летниот младински олимписки факел е запален во Античка Олимпија, Грција. Исто така во вестите од културата: Анталија, во Турција беше домаќин на 10-тиот Страничен меѓународен фестивал на културата и уметноста и Призрен, во Косово, се подготви за Докуфест.

Претседателот на Олимпискиот комитет Спирос Капралос (десно) го предава факелот на заменик-претседателот на МОК Нг Сер Мианг во Античка Олимпија. [Getty Images]

Со церемонијата во античка Олимпија, во Грција, во петокот (23-ти јули) започна долгото патување на олимпискиот пламен пред инаугуративната Летна младинска олимпијада во Сингапур, од 14-ти до 25-ти август. Пламенот ќе патува во пет градови -- Берлин, Дакар, Мексико сити, Окленд и Сеул -- претставуајќи ги петте земји, пред да пристигне на својата финална дестинација. Вкупно 3.500 спортисти, на возраст меѓу 14 и 18 години, ќе се натпреваруваат.

***

Туристичкиот водич за Aлбанијa беше објавен за првпат во Шпанија и претставен во Тирана во саботата (24-ти јули). Заедничкиот проект на Министерството за култура и шпанската амбасада во главниот град содржи информации за историјата на Албанија, географијата и социологијата. Истиот беше подготвен од двајца шпански професори.

***

Српскиот женски одбојкарски тим ја одбрани својата титула од Европската одбојкарска лига откако ја порази Бугаријa со 3:1 во неделата (25-ти јули). Финалниот натпревар беше одигран во Анкара. Tурција освои бронза со победата од 3:0 над Израел. Српскиот машки одбојкарски тим освои бронза откако ја порази Куба со 3:2 на натпреварот од Светската лига во Кордоба, Аргентина.

***

Aнталија, во Tурција, го отвори 10-тиот Страничен меѓународен фестивал на културата и уметноста во саботата (24-ти јули). Фестивалот, кој трае до 29-ти октомври, донесе познати локални и меѓународни уметници на 23-те настани.

***

Педесеттиот трубачки фестивал Гуча ќе се одржи од 13-ти до 22-ри август. Овогодинешниот настан се очекува да привлече стотици илјадници посетители во малиот град во западна Србијa.

***

Призрен, во Косовo, ќе го отвори 9-тото издание од Докуфест на 31-ви јули. На еднонеделниот меѓународен фестивал на документарен и краткометражен филм ќе бидат прикажани 156 филмови од 34 земји.

(Разни извори – 21/07/10-28/07/10)