Дипломатски дневник: Хрватска и Израел ќе ги зајакнат врските

27/07/2010

Претседателите на Хрватска и Израел го посетија концентрациониот логор Јасеновац. Исто така во дипломатските вести: српскиот премиер Мирко Цветковиќ бепе во Сараеви и британскиот премиер Дејвид Камерон е во Анкара.

Претседателите на Израел и Хрватска го посетија Јасеновац. [Getty Images]

Хрватскиот претседател Иво Јосиповиќ и неговиот израелски колега Шимон Перес во неделата (25-ти јули) го посетија местото на озлогласениот концентрационен логор Јасеновац, 100 километри југоисточно од Загреб. Десетици илјадници Срби, Евреи и Роми беа убиени таму за време на пронацистичкиот режим во Втората светска војна. Двајцата официјални претставници се согласија дека треба да се извлечат поуки од минатото за никогаш повеќе да не се случат такви злосторства. Тие, исто така, рекоа дека соработката меѓу двете земји треба да се унапреди.

***

Британскиот премиер Давид Камерон допатува во Tурција во понеделникот (26-ти јули) во дводневна посета. Камерон се очекува да се состане со премиерот Реџеп Тајип Ердоган и министерот за надворешни работи, Ахмет Давутоглу. Разговорите ќе се фокусираат на турските аспирации за ЕУ, и ќе се потпише документ за стратешко партнерство.

***

Франција го поддржува процесот на интеграција на Maкедонија во ЕУ, рече во четвртокот (22-ри јули) францускиот државен секретар за европски прашања, Пјер Лелуш, во Скопје, по разговорите со македонскиот министер за европска интеграција, Васко Наумовски. Тој ја охрабри Македонија да продолжи со реформите и да продолжи да бара решение за спорот околу името со Грција. Наумовски го информираше францускиот претставник за реформите што неговата земја ги презема како дел од агендата за ЕУ и му се заблагодари за поддршката на Франција. Лелуш, исто така, оствари разговори со претседателот Ѓорге Иванов и премиерот Никола Груевски.

***

Српскиот премиер Мирко Цветковиќ му рече на својот колега од Босна и Херцеговинa (БиХ) Никола Шпириќ во Сараево во средата (21-ви јули) дека Србија го почитува територијалниот интегритет на БиХ и дека ќе го поддржи секој договор меѓу двата ентитета во врска со внатрешните работи на земјата. Тие го пофалија нивото на билатералните врски и изразија взаемна поддршка за процесот на интеграција во ЕУ.

***

Малтешкиот претседател Георге Абела ги увери својот црногорски колега Филип Вујановиќ во средата (21-ви јули) за поддршката на неговата земја за кандидатурата на Црна Гора за ЕУ. По разговорите во Цетиње, Абела рече дека Малта е подготвена да го сподели своето искуство во процесот за интеграција во ЕУ и рече дека секоја земја треба да се процени врз основа на своите индивидуални вредности во процесот на пристапување.

(Разни извори -- 20/07/10-27/07/10)