Наука и технологија: Албанскиот „Водафон“ рециклира

26/07/2010

Мобилниот оператор „Водафон“ има намера да ги рециклира мобилните телефони во Албанија. Исто така во вестите од науката и технологијата: студентите од регионот учествуваат на научниот натпревар Балкан кејс чаленџ и училиштата во Штип, Македонија планираат ВиФи пристап.

Водафон ја прошири својата иницијатива за рециклирање во 100 од своите албански продавници. [Getty Images]

Претпријатието за мобилна телефонија Водафон Aлбанијa ја прошири својата кампања за рециклирање на користени мобилни телефони преку 100 од своите продавници низ земјата. Водафон е единствениот мобилен оператор кој почна ваква иницијатива, објави претпријатието во средата (21-ви јули). Програмата има за цел собирање батерии и друг технички отпад.

***

Студенти од Австрија, Aлбанија, Бугарија, БиХ, Црна Гора, Хрватска, Косово, Македониј a, Moлдавија, Романија, Србија и Словенија учествуваат на Балкански кејс чаленџ, кој се одржа во Виена од 5-ти до 10-ти јули. Годишниот натрпевар и регрутирањето има за цел да понуди можности и нови перспективи за одличните студенти од Југоисточна Европа со зајакнување на врските меѓу високото образование и вработувањето.

***

Романските и германските вселенски институции планираат да потпишат договор за соработка, за производство на авиони за регионалните летови. Авионите ќе бидат наменети за пренесување до 50 патници и ќе летаат 12.000-13.000 метри.

***

Сите училишта во Штип, Maкедонијa, ќе бидат опремени со безжична интернет технологија почнувајќи од средината на август, што е дел од проектот за модернизација кој го спроведува владата и УСАИД. Обезбедувањето ВиФи пристап во училиштата е дел од планот за поттикнување на образовниот систем.

(Разни извори -- 19/07/10-26/07/10)