Наука и технологија: Фејсбук се користи за изучување на литературата во Србија

08/02/2010

Популарната онлајн социјална мрежа се тестира за образовни цели во Србија. Исто така во вестите од науката: конференција за образовна обука се одржа во БиХ, и Тетово, во Македонија, доби „Вудроу Вилсон колеџ“.

Ученички пилот-проект во Србија користи Фејсбук за предавања на српска поезија. [Getty Images]

Српскиот министер за телекомуникации и информатичко општество Јасна Матиќ го претстави проектот кој користи Фејсбук за образовни цели, во седиштето на УНЕСКО во Париз на 1-ви февруари. Пилот-проектот беше спроведен за часовите по српска литература во белградско средно училиште. Учениците беа поканети да создадат социјални мрежни профили на српските поети од периодот на романтизмот. Српското Министерство за образование го поддржа проектот.

***

Повеќе од 50 експерти од Босна и Херцеговинa (БиХ) и регионот учествуваа на дводневната конференција во организација на Европската фондација за обука и Агенцијата за предшколско, основно и средно образование на БиХ во четвртокот (4-ти февруари) и петокот во Бања Лука. Учесниците разговараа за образовните реформи.

***

Изградбата на „Вудроу Вилсон колеџ“ во Teтовo, Maкедонијa започнаа на 29-ти јануари. Образовната институција ќе понуди предшколско, основно и средно образование на англиски јазик.

***

Српското списание ПЦ-Прес ја избра веб-страницата на јавната телевизија РТС -- www.rts.rs -- за најдобра веб-страница за вести и информации во државата, објави РТС на 1-ви февруари. Б92 се рангираше на второто место во категоријата, по што следеше весникот Блиц.

***

Најголемиот мобилен телефон во светот -- Моду -- ќе биде лансиран во Романијa овој месец, како дел од европската премиера, објави неговиот дистрибутер. Моду, кој тежи повеќе од 43 килограми, беше измислен од Дов Моран, исто така автор на УСБ флеш-сториџ мемориската направа. Телефонот ќе биде лансиран во партнерство со Водафон.

***

Новата Кипарска англиска говорна унија (ЕСУ) ќе учествува на Светскиот шампионат на училишни дебати во Доха, Катар, од понеделник (8-ми февруари) до 18-ти февруари). Пет средношколци беа избрани во декември да учествуваат во тимот на ЕСУ.

***

Во Косовo има повеќе од 400.000 регистрирани интернет конекции, објави во средата (3-ти февруари) јавното претпријатие за телекомуникации ПТК и приватниот мобилен оператор ИПКО. Според официјалните претставници, интернет конекциите во земјата пораснале за 6 отсто минатата година.

(Разни извори – 01/02/10-08/02/10)