Култура и спорт: Нова уметничка галерија отворена во Бугарија

09/12/2009

Оваа галерија е прва од ваков вид на Балканот. Исто така во вестите од културата: Србија е домаќин на првата меѓународна изложба на фотографии и во Анкара е отворен Фестивалот на тркала.

Абориџинска уметност на изложба во Софија. [Getty Images]

Првата абориџинска уметничка галерија во Источна Европа беше отворена во четвртокот (3-ти декември) во Софијa. Посетителите можат да видат 40.000 години стари слики, и други уметнички дела, создадени од Абориџините од Централна Австралија. Слични вакви галерии има во Париз, Лондон и Берлин.

***

Меѓународна изложба на фотографии беше отворена во петокот (4-ти декември) во Зајечар, Србијa. На изложбата беа прикажани 6.000 фотографии од 54 земји.

***

Даниел Црниќ (23) од Хрватскa, играше тенис без престан 19,5 часа за добротворни цели и место во Гинисовата книга на рекорди. Црниќ играше тенис од 8 часот наутро во саботата (5-ти декември) до 3:35 по полноќ во неделата, за да собере пари за едно осумгодишно македонско девојче кое боледува од леукемија.

***

Хрватските градови Загреб и Риека се домаќини на седмиот Филмски фестивал за човекови права, до 13-ти декември. На фестивалот ќе бидат прикажани 20 филмови посветни на борбата за социјални права.

***

Овогодинешниот Филмски фестивал во Tиранa ја подели главната награда во неделата (6-ти декември), наградувајќи два филма -- шпанскиот филм „Жена без пијано“, на режисерот Хавиер Реболо и „Академијата на Платон“ на Филипос Цотос. Меѓу 11-те други награди, седмото издание на настанот го награди и албанскиот режисер Ѓерѓ Џувани за најдобар режисер.

***

Темелите на новата Оперска и балетска куќа во Приштинa беа поставени на 65-годишнината од раѓањето на починатиот косовски претседател Ибрахим Ругова на 2-ри декември. Новата зграда се очекува да чини 25 милиони евра.

***

Петнаесеттиот Фестивал на тркала беше отворен во Aнкарa во петокот (4-ти декември). Настанот, организиран од Филмското здружение на Анкара со поддршка на турското Министерство на култура, ќе се префрли во црноморскиот град Артвин на 11-ти декември, пред да пристигне во Скопје, Maкедонијa на 18-ти декември. Овогодинешниот фестивал вклучува десет филмови кои се натпреваруваат за Златниот бик. Настанот трае до 20-ти декември.

(Разни извори – 02/12/09-09/12/09)