Култура и спорт: Во Приштина се одржа модна недела

25/11/2009

На Приштинската модна недела беа изложени креации на косовски студенти по дизајн. Исто така во вестите од културата: српскиот писател Момо Капор доби признание за својот придонес во сатирата, и во Приштина се одржа Недела на францускиот филм.

Манекенки на модната писта за време на 11-тото издание на приштинската Модна недела. [Getty Images]

Дваесет и двајца косовски студенти по дизајн ги претставија своите креации во неделата (22-ри ноември), за време на 11-тото издание на Приштинската модна недела. Инспирирани од „времињата на прадедовците и прабабите“, студентите од факултетите за уметност во Приштина, ја претставија својата работа на 50 модели.

***

Српскиот писател Момо Капор ја прими наградата „Радоје Домановиќ“ за својот придонес во српската сатира. Церемонијата ќе се одржи в четврток (26-ти ноември) во Министерството за дијаспора. Наградата ја доделува фондот „Радоје Домановиќ“, а ја основаа српските писатели.

***

Недела на францускиот филм ќе се одржи во приштинските кина од среда (25-ти ноември) до недела. Спонзориран од Француската амбасада во Приштина, настанот вклучува пет филмови, од кои еден е за деца. Концертот со францускиот пијанист Жак Камбра ќе ја заокружи неделата.

***

Филмот „Светот е голем и спасението се прикраднува од зад аголот“, во режија на бугарскиот режисер Стефан Командарев, ја освои наградата Гран при на 16-тиот Меѓународен филмски фестивал во Минск. Филмот е заедничка продукција на Бугарија, Германија, Словенија и Унгарија. Ова е 21-ва награда за филмот, кој досега доби 19 награди и две номинации.

***

Европската филмска академија (ЕФА) го прогласи босанскиот режисер Данис Тановиќ за свој амбасадор на 17-ти ноември. Неговата улога ќе биде промовирање на европските филмови и европските филмски награди. Тановиќ и другите ќе ја претставуваат ЕФА и Европските филмски награди на различни престижни настани.

***

Канскиот победник „Белата трака“ на Мајкл Ханеке, го отвори Фестивалот на европскиот филм „Синедејс“ во Скопјe во петокот (20-ти ноември). Главната селекција на фестивалот вклучува 12 филмови, кои ќе се натреваруваат за наградите Златна и Сребрена ѕвезда. Настанот го организираше Министерството за култура, градот Скопје и Младинскиот културен центар. Истиот завршува в четврток (26-ти ноември).

***

Грчката фудбалска репрезентација се квалификуваше на 18-ти ноември за Светскиот куп во Јужна Африка во 2010 година, по победата над Украина со 1:0. Ова е вторпат Грците да се квалификуваат за престижниот шампионат. Првиот пат беше во 1994 година.

(Разни извори -- 18/11/09 - 25/11/09)