Култура и спорт: Албански уметник повторно влезе во Гинисовата книга на рекорди

18/11/2009

Саимир Страти постави светски рекорд со својот мозаик на поп-ѕвезда. Исто така во вестите од културата: Дубровничката народна библиотека ја одбележа 140-годишнината од раѓањето на Махатма Ганди, и пред спортската сала во Скопје е откриена биста на починатиот македонски претседател Борис Трајковски.

Саимир Страти ја покажува Гинисовата награда за своето дело. [Getty Images]

Aлбанскиот уметник Саимир Страти влезе во Гинисовата книга на светски рекорди во средата (11-ти ноември), со својот мозаик на починатиот Мајкл Џексон, направен од 250.000 црни и кафеави сликарски четки. Страти поминувал по 16 часа на ден во период од еден месец на мозаикот, слушајќи ја музиката на Џексон. Ова е четврт Гинисов рекорд за Страти. Тој претходно го создаде најголемиот мозаик во светот со клинци, чепкалки за заби и тапи од шишиња.

***

Изложба по повод 140-годишнината од раѓањето на Махатма Ганди е во тек во Дубровничката народна библиотека до петок (20-ти ноември). На изложбата се прикажани 14 карикатури од индискиот карикатурист Ранга.

***

Биста на починатиот македонски претседател Борис Трајковски беше откриена на 13-ти ноември пред спортската сала во Скопје која го носи неговото име. Бронзената скулптура ја изработи скулпторот Томе Серафимовски.

***

Осум филмови ќе бидат снимени во рамките на четвртиот италијански Фестивал на новиот филм во Загреб и Ријека од вторник (17-ти ноември) до петок. Настанот го организираше италијанскиот Институт на културата во Загреб.

***

Српската тениска ѕвезда Новак Ѓоковиќ победи на Парискиот мастерс турнир во неделата (15-ти ноември), поразувајќи го Французинот Гаел Монфил. Ѓоковиќ (22) рече дека натпреварот бил тежок, бидејќи Монфил бил „непредвидлив“ и „многу силно го удирал топчето“.

***

Белград се најде на врвот на листата на „Лонли планет“ на градови со најдобар ноќен живот и забава во светот. Српскиот главен град, познат како интелектуален центар, беше рангиран на првото место поради своите бројни ноќни клубови, ресторани, барови и дискотеки. Солун, исто така, се најде во првите десет.

***

Солун е домаќин на 50-тото издание на солунскиот Меѓународен филмски фестивал од (13-ти ноември) до недела (22-ри ноември). На настанот ќе бидат прикажани филмови од Романијa, Србијa, Словенијa, Tурција, Албаниј a, Бугарија и Хрватскa, кои ја прикажуваат современата реалност на Балканот.

(Разни извори -- 11/11/09-18/11/09)