Култура: Бугарското богатство Панаѓуриште доаѓа дома

22/07/2009

По 18 месеци во странство, бугарското богатство Панаѓуриште се враќа од Јапонија. Исто така во вестите од културата: романскиот женски мечувалски тим освои злато на Европскиот шампионат и албанскиот тим го победи својот шкотски противник на квалификациите од Европската лига.

Богатството Панаѓуриште се врати во Софија. [Getty Images]

Познатото бугарско златно богатство се врати во Националниот музеј на историјата во Софија, откако една и пол година беше изложено во Јапонија. Богатството е повторно изложено за јавноста, објави музејот во четвртокот (16-ти јули). Колекцијата се состои од шишенце, амфора и седум ритони со вкупна тежина од 6.164 килограми, 23-каратно злато.

***

Златната медала на Европскиот шампионат во мечување отиде во рацете на романскиот женски тим. Настанот се одржа во Пловдив, Бугаријa, во саботата (18-ти јули). Во финалето Романците ја победија Полска со 36:34.

***

Шест турски музеи ќе се борат за наградата Европски музеј на годината за 2010 година, објави новинската агенција Анадолу во средата (15-ти јули). Европскиот музејски форум го одржува натпреварот секоја година, под покровителство на Советот на Европа. Шесте турски кандидати се: музејот Синопска археологија, музејот Корум, музејот Туркие ис Банкаси, музејот Бешикташ гимастички клуб, Истанбулскиот музеј на современа уметност и Сунајскиот музеј на кукли.

***

Aлбанскиот фудбалски тим Фљамуртари го победи шкотскиот тим Мадервел во четвртокот (16-ти јули), на натпреварот во Валона. Албанците постигнаа победа од 1:0 во натпреварот, кој се играше во рамките на Европската квалификациска лига. Во четвртокот Мадервел ќе биде домаќин на Фљамуртари, на вториот круг од натпреварот.

***

Бугарката Maрија Гроздева ја освои својата деветта европска титула во спортско стрелаштво на Европското првенство во Осиек, <b>Хрватскa</b>, во неделата (19-ти јули), објавија бугарските медиуми. Гроздева се рангираше на првото место во дисциплината 25 метри пиштол, со вкупно 791 поен.

***

Aлбанското Министерство за култура одлучи да понуди бесплатен влез во скоро 12 музеи од земјата, во обид за привлекување повеќе посетители, објавија локалните медиуми во петокот (17-ти јули). Посетите на музеите ќе бидат бесплатни за јавноста еднаш во месецот и на државните празници.

***

Романијa го одбележа Денот на воздухопловните сили во понеделникот (20-ти јули), објави Медиафакс. Воздухопловните сили во земјата се подготвени да се соочат со новите предизвици во врска со членството на Романија во НАТО и ЕУ, рече претседателот Трајан Башеску на официјалните прослави.

(Разни извори – 15/07/09 - 22/07/09)