Наука и технологија: 3Г технологијата на Водафон ќе се нуди во Турција

13/07/2009

Турски Водафон ќе донесе 3Г технолошки услуги во земјата. Исто така, во вестите од науката: тракиско светилиште откриено во Бугарија и наставата на хрватскиот универзитет ќе биде бесплатна за успешните ученици.

[Getty Images]

Водафон Tурција во вторникот (7-ми јули) објави дека ќе почне да нуди 3Г технолошки услуги, почнувајќи од 30-ти јули, објави новинската агенција Анадолу. Претпријатието во соопштението вели дека поголем дел од неговите странски инвестиции во Турција во 2009 година бил наменети за изградба на најсовремена 3Г мрежа. Услугите ќе вклучуваат видео-повици, мобилни телефони и брз мобилен интернет за телефони и бележници.

***

Експерти од Универзитетот во Единбург и букурешкиот Институт за археологија открија човечки траги од раниот месолитски период во археолошкиот локалитет Шела Кладовеи, југозападна Романија, објави Агерпрес на 3-ти јули. Артефактите вклучуваат керамички сад, големи садови за печење, врвови од стрели и делови од олтар за светилиште, од цивилизација која датирала од 7100 до 5500 година п.н.е.

***

Бугарските спелеолози од Велика Трново открија уникатно тракиско светилиште во северна Бугарија, додека ги проучуваа пештерските предмети долж Дунав, објави Фокус на 2-ри јули. Светилиштето е слично на т.н. пештера Матка во близина на јужниот град Караџали, и вклучува гробници, ниши и олтар.

***

Жителите и посетителите на Aтина ќе имаат бесплатен пристап до безжичен интернет во областа Гази, преку програмата за информатичко општество што ја отпочна општината Атина, објави АНА-МПА на 6-ти јули. Проектот е дел од Информатичкото општество СА дигитална стратегија на локалните власти. Најсовремената опрема на Гази технополис центарот ги опфаќа надворешните области на комплексот, плоштадот Керамеикос и поранешниот корејски пазар.

***

Кипар го зголеми учеството во БДП наменето за истражување и развој во 2007 година, но сé уште е далеку под целта на ЕУ за учество од 3 отсто во БДП до 2010 година, објави Фајненшал мирор на 6-ти јули. Според податоците на статистичката служба на земјата, вкупните трошоци за истражување и развој во Кипар во 2007 година се проценуваат на околу 70,1 милиони евра или 0,45 отсто од БДП, нешто повеќе од 61,4 милиони евра (0,43 отсто од БДП) во 2006 година.

***

Хрватскиот министер за наука и образование, Радован Фуч, во средата (8-ми јули) рече дека целата универзитетска настава во земјата ќе биде бесплатна за студентите кои ќе ги положат своите испити. Според Фуч, учебниците за пониските степени на образование е можно да се наплаќаат, иако некои студенти може да добијат право на бесплатни учебници.

(Разни извори – 06/07/09-13/07/09)