Бизнис: ЈАТ повторно почна да лета до Дубровник

03/07/2009

ЈАТ ќе лета до хрватското крајбрежје двапати неделно ова лето. Исто така, во бизнис вестите: Кипар има највисоко зголемување на даноците меѓу земјите на ЕУ и хрватската берза реагира на оставката на премиерот Иво Санадер.

Српскиот авиопревозник не леташе до Дубровник во изминативе 18 години. [Getty Images]

Српскиот национален авиопревозник ЈАТ во четвртокот (2-ри јули) започна сезонска авиоврска која ги поврзува Белград и Дубровник по 18 години прекин. Летови меѓу двете дестинации ќе има двапати неделно до крајот на август -- во понеделниците и четвртоците. Дубровник ќе биде вториот хрватски аеродром кој ќе го сервисира ЈАТ, по летовите до Пула кои започнаа минатото лето.

***

Кипар регистрираше најголем скок на даноците за граѓаните и претпријатијата меѓу 27-те членки на ЕУ, објави весникот Cyprus Mail на 26-ти јуни, наведувајќи статистички податоци објавени од Еуростат. Земјата, исто така, забележа највисока имплицитна даночна стапка во главниот град и најнизок корпоративен данок.

***

Новиот терминал на аеродромот во Пловдив во Бугаријa беше официјално отворен во средата (1-ви јули), објавија локалните медиуми. Новиот терминал ќе почне со летови на 1-ви август, објави министерот за транспорт, Петар Мутафчиев.

***

Изненадната оставка на хрватскиот премиер Иво Санадер во средата (1-ви јуни) предизвика пад од 4 отсто на главниот индекс на Загребската берза. Во еден момент падот достигна 6,07 отсто. Индексот беше намален на 3,93 отсто на крајот од денот.

***

Mакедонскиот министер за финансии, Трајко Славески, во средата (1-ви јули) ги отфрли шпекулациите за негова можна смена. Според министерот, шпекулациите во медиумите за негово разрешување произлегле од друштвената интернет мрежа Фејсбук.

***

Европската комисија го одобри Повеќегодишниот индикативен плански документ за Босна и Херцеговинa (БиХ) за 2009-2012 година во средата (1-ви јули). Околу 303,3 милиони евра финансиска помош од Предпристапниот инструмент за помош ќе ги помогнат политичките и економските реформи, градењето на институциите и ќе го зајакнат капацитетот на БиХ за исполнување на обврските за членство во ЕУ.

***

Министерот за финансии Драган Вранкиќ и германскиот амбасадор во Босна и Херцеговинa, Јоаким Шмит, во четвртокот (2-ри јули) потпишаа договор за финансиска соработка, кој ќе загарантира околу 53,5 милиони евра финансиска помош за земјата. Парите ќе бидат искористени за поддршка на проекти од енергетскиот сектор, водостопанисувањето и изградбата на парк на ветар.

(Разни извори – 26/06/09-03/07/09)