Бизнис: Доматите на врвот од македонскиот извоз

26/06/2009

Македонските домати се хит на меѓународниот пазар. Исто така во бизнис вестите: Романија и ЕК потпишаа меморандум од 5 милијарди евра и во Бугарија продолжува рецесијата.

Трендот на извоз на домати продолжува во Македонија. [Getty Images]

Tековниот тренд на раст на извозот на домати во Maкедонијa продолжува оваа година, при што скоро 80 отсто од нејзината берба е веќе извезена, објави Министерството за земјоделство. Позитивниот тренд се очекува да продолжи во текот на летото, кога производството го достигнува својот максимум. Во 2008 година Македонија извезе околу 62.526 тони домати во вредност од 21,12 милиони евра, скоро дупло од 36.593 тони извезени во 2005 година.

***

Романијa и Европската комисија потпишаа меморандум за заем во висина од 5 милијарди евра со цел да й помогнат на Романија во справувањето со финансиската криза, објави Медиафакс во вторникот (23-ти јуни). Договорот беше потпишан со комесарот за економски и монетарни прашања на ЕУ, Хоакин Алмуња, и романскиот премиер Емил Боц.

***

Tурција распиша тендер за изградба на автопат меѓу Истанбул и Измир во петокот (19-ти јуни), кој ќе го намали времето на патување за три часа, објавија локалните весници. Проектот, исто така, вклучува изградба на еден од најдолгите мостови во светот, кој ќе се протега над Заливот на Измир.

***

Ресецијата во Бугаријa продолжува и се очекува да се вовлече и во 2010 година, се вели во извештајот на Европската комисија (ЕК) за јавните финансии, објавен во вторникот (23-ти јуни). Според извештајот, Бугарија се соочува со предизвикот на одржлив развој во голема светска економска криза. Документот препорачува спроведување цврста политика за коригирање на нејзиниот голем надворешен дефицит и подобрување на квалитетот на јавните трошоци.

***

Конзорциумот Енер-Алб проџектс ја доби концесијата за изградба на пристаниште за јахти во Заливот Лалези, во близина на Драч, Aлбанијa, објавија локалните медиуми во средата (24-ти јуни). Конзорциумот победи со понудата од 9,6 милиони евра и ќе управува со пристаништето 32 години.

***

Пензискиот фонд на Косовo изгуби 92,5 милиони евра минатата година, објавија независните ревизори во вторникот (23-ти јуни). Загубите се резултат на рецесијата што ги погоди финансиските институции, каде што повеќето заштеди на Пензискиот фонд.

(Разни извори – 19/06/09-26/-6/-09)