Култура и спорт: Турција освои награда на Саемот на книгата во Техеран

27/05/2009

Наградата „специјална земја“ на дваесет и вториот по ред Техерански саем на книгата, ја доби Турција. Исто така, во вестите од културата: новиот атински музеј Акропол ќе биде официјално отворен, и Меѓународниот фестивал на циркуската уметност е отворен во Букурешт.

Дваесет и вториот Меѓународен саем на книгата во Техеран. [AФП]

Tурција ја освои наградата „специјална земја“ на 22-риот меѓународен Техерански саем на книгата, што се одржа од 6-ти до 16-ти мај во Иран, соопшти во петокот (22-ри мај) турското Министерство за култура. Вкупно 5,5 милиони луѓе учествуваа на саемот. Турција учествуваше со 1.700 книги.

***

Новиот атински музеј Акропол официјално ќе биде отворен на 20-ти јуни, рече грчкиот министер за култура Антонис Самарас во средата (20-ти мај). На церемонијата се очекува да присуствуваат странски официјални претставници, уметници и академици. Новиот музеј е изграден како дел од кампањата на Грција за враќање на историските споменици од Британскиот музеј во Лондон.

***

Второто издание на Меѓународниот фестивал на циркуската уметност започна во вторникот (26-ти мај) во Букурешт, објави Хотњус. Настанот ќе биде затворен на 7-ми јуни. Учествуаат три важни циркуски претстави: германскиот циркус Саломе, Циркузот на маски од САД и Националниот чешки циркус Бераусек.

***

Aлбанскиот северен град Скадар е домаќин на петтото издание на Скадарскиот џез фестивал од понеделникот (25-ти мај) до саботата. Италијански и албански џез групи, шпански фламенго и џез-фужн изведувачи, настапуваат на сцената.

***

Брод во сопственост на поранешниот југословенски водач Јосип Броз Тито беше продаден преку јавна аукција во Риека за 107.000 евра, објавија хрватските медиуми во саботата (23-ти мај). Јахтата, порано позната како Галеб, се сметаше за дел од националното културно наследство. Градската власт на Риека го купи бродот неодамна на аукција од либериско претпријатие.

***

Овогодинешниот летен фестивал во Србијa ќе се одржи во текот на месецот јули. Љубителите на џезот во Белград ќе можат да уживаат во настапите на светски познати уметници, вклучително и ирската пејачка Шинед О'Конор.

***

Велосипедската трка Скопје 2009 се одржа по вторпат во македонскиот главен град во саботата (23-ти мај). Настанот, организиран од велосипедското здружение Енерџи, има пет категории: кадети, мастерс, жени, јуниори и елит.

(Разни извори – 20/05/09-27/05/09)