Наука и технологија: Во Турција формирано здружение за инженеринг на биоматеријали

12/01/2009

Во Турција е отворено здружението за развој и производство на синтетички материјали. Исто така во вестите: турскиот суд осуди украински компјутерски хакер и Тирана ќе биде домаќин на семинар за персиското културно наследство во февруари.

[Getty Images]

Tурските истражувачи формираа здружение за развој и производство на биоматеријали кои се користат во вештачките органи, објави на 3-ти јануари новинската агенција Анадолу. Основачи на Здружението за инженеринг на биоматеријали и ткива се група научници од Блискоисточниот технички универзитет (МЕТУ) и неколку турски универзитети. Новата организација има за цел да ја развие науката за биоматеријалите, која е од стратешка важност во Соединетите Држави и другите индустријализирани земји, рече професорот на МЕТУ Васиф Хасирчи.

***

Tурскиот суд осуди украински компјутерски хакер на 30 години затвор по обвиненијата за компјутерски криминал во четвртокот (8-ми јануари). Полицијата го уапси Максим Јастремскиј во провинцијата Анталија во 2007 година. Тој влезе во комјутерските системи на 12 турски банки за да ја изврши измамата.

***

Околу 14.000 романски корисници на мобилни телефони се префрлија на друг провајдер во изминатите два месеци без промена на телефонските броеви, објави на 6-ти јануари Националната управа за телекомуникации. Преносната услуга на броеви започна од октомври. Таа им овозможува на корисниците да ги задржат своите телефонски броеви, фиксни или мобилни, дури и ако го променат провајдерот.

***

Балкански научници, интелектуалци и владини претставници ќе учествуваат на семинарот во февруари за персиското културно наследство во регионот на Tирана, објави Прес ТВ на 2-ри јануари. Иранската Саудиска културна фондација во Албанија го организираше настанот, кој го спонзорираат меѓународни академски и културни фондации.

***

Кипар ги помага напорите на египетската влада за развој на научно-технолошкото истражување, објави Сајпрус мејл на 2-ри јануари. Египетските истражувачи неодамна го посетија Кипарскиот институт за наука и технологија, со седиште во Никозија, за да проучат како нивната владата може да формира слична институција.

***

Maкедонската влада ги најави плановите за отпочнување на онлајн апликативен систем наречен ЕXIM, за олеснување на надворешната трговија. Скопје ќе го изготви системот како дел од Проектот за е-влада, иницијатива финансирана од УСАИД за спроведување услуги на е-влада во земјата. Истиот ќе им овозможи на македонските претпријатија кои тргуваат со странство да аплицираат и да добиваат лиценци за увоз, извоз и транзит електронски, постигнувајќи поголема брзина и заштеда на трошоците за процесирањето на прекуграничните трансакции.

(Разни извори – 05/01/09-12/01/09)