Култура и спорт: Белград е домаќин на 14-тиот Фестивал на авторскиот филм

03/12/2008

Во Белград се одржа четиринаесеттиот Фестивал на авторскиот филм. Исто така во вестите од културата и спортот: Македонија е домаќин на Европското ракометно првенство во ракомет за жени, и во Хрватска се одржува Отворениот турнир во шах.

Гран прито во филмска конкуренција е наречено според починатиот српски режисер Александар Саша Петровиќ. [Архива]

Еднонеделниот 14-ти Фестивал на авторскиот филм заврши во средата (3-ти декември) во Белград под мотото „Поглед на светот“. Околу 15 филмови се натпреваруваа за гран прито, кое го носи името на починатиот српски режисер Александар Саша Петровиќ.

***

Maкедонијa е домаќин на Европското првенство во ракомет за жени од вторникот (2-ри декември) до 14-ти декември. Вкупно 16 европски ракометни тимови поделени на четири групи ќе се натпреваруваат на настанот истовремено во Скопје и Охрид. Хрватскa ја порази Србијаa на првиот натпревар, во Скопје.

***

Јахоринафест 2008, вториот меѓународен фестивал на еколошките и туристички филмови и промотивни видеа, се одржа во Јахорина, Босна и Херцеговинa (БиХ) од саботата (29-ти ноември) до вторникот. На настанот, кој се одржа под покровителство на владите на Република Српскa и Федерацијата на БиХ градот Сараево, општините Пале и Фоча и Олимпискиот центар Јахорина, учествуваа претставници на 18 земји на два континенти.

***

Градот Риека, во Хрватскa, е домаќин на второто Медитеранско првенство 2017 во шах, до сабота (6-ти декември). Еднонеделниот натпревар ја поддржува кандидатурата на градот за домаќин на Медитеранските игри 2017.

***

Во понеделникот (1-ви декември), градските кина во Приштина прикажаа шест филмови од млади уметници за одбележување на Светскиот ден за борба против сидата. Филмовите ја обработуваат темата на сидата кај младите и заштитата.

***

Шестиот филмски фестивал во Tиранa беше отворен во понеделникот (1-ви декмеври) со прикажувањето на филмот Молкот на Лома, кој освои награда за најдобро сценарио на овогодинешниот Кански филмски фестивал. Косовската aктерка Арта Доброши, филмска ѕвезда, присуствуваше на премиерата во Албанија.

***

Петиот Фестивал на анимираниот филм во Истанбул се одржа од 21-ви ноември до недела (30-ти ноември). На фестивалот беа прикажани 22 филмови од 42 земји, вклучително и 60 турски анимирани кусометражни филмови.

***

Tурскиот боксер Гулсум Татар освои злато на петтиот Светски шампионат во бокс во Нингбо, Кина, објави во саботата (29-ти ноември) новинската агенција Анадолу. Натпреварувајќи се во категоријата од 63 килограми, Татар го порази Русинот Љубов Лопатина со 11:0. Учествуваа вкупно 208 боксери од 41 земја.

***

Осумнаесеттиот Меѓународен филмски фестивал ДаКИНО се одржа од 25-ти ноември до саботата (29-ти ноември) во Букурешт. На настанот беа прикажани документарци и филмови од 25 земји. Истиот се отвора со прикажувањето на документарецот од Емир Кустурица, Марадона од Кустурицa.

(Разни извори – 26/11/08-03/12/08)