Наука и технологија: Српските студенти присуствуваа на научна конференција

01/12/2008

Конференција во Србија ги акцентираше научните достигнувања. Исто така во вестите од науката и технологијата: Романија отвори нова сеизмолошка опсерваторија и во Анкара е отворен Гроутек Еуроазија 2008.

Српски студенти ги претставија своите проекти на настанот „Чекор во науката“. [Архива]

Конференцијата „Чекор кон науката“, се одржа во Петница, Србијa, од четвртокот (27-ми ноември) до неделата. На настанот, кој имаше за цел да ги промовира научните достигнувања на талентираните средношколци и студенти, учествуваа 95 учесници со 65 оригинални научни проекти.

***

Романските власти отворија нова сеизмолошка опсерваторија во југоисточниот град Ефорие на 22-ри ноември. Опсерваторијата е најмодерна од овој вид во југоисточна Европа и има најсовремена опрема увезена од САД. Проектот доби еден милион евра финансиска помош од Министерството за истражување. Објектот е уникатен во регионот бидејќи може да ги следи сеизмичките активности низ целиот свет, рече Георге Мармуреану, директор на романскиот Национален институт за земјата и физиката.

***

Tурскиот професор Керим Алахверди победи на изборот на Европската академија на науките (ЕАС), објави новинската агенција Анадолу на 21-ви ноември. Тој стана прв турски член на организацијата. Алахверди е постар истражувач во Истражниот центар Мармара на турскиот Научен и технолошки истражен центар. ЕАС изведува пионерски истражувања и го промовира развојот на напредните технологии.

***

Осмиот Меѓународен саем на хортикултурата, земјоделството, флорикултурата и технологиите (Гроутек Еуроазија 2008) беше затворен во јужната турска провинција Анталија во неделата (30-ти ноември). Вкупно 390 претпријатија од 20 земји, вклучително и домаќинот и Грција, ги претставија своите најнови достигнувања во земјоделската технологија на тридневниот саем.

***

Aлбанскиот национален дигитален регистар започна со работа во четвртокот (27-ми ноември) во Тирана. Регистарот се очекува целосно да функционира низ целата земја до 10-ди декември. ОБСЕ, ЕУ и владата го пофалија чекорот.

***

Бугарскиот aрхеолог Веселин Игнатов и неговиот тим открија многу добро сочувана бронзена кочија, за која се верува дека е 1,800 години стара. Според Игнатов, тимот ја пронашол кочијата во гробницата на богат тракиски аристократ за време на ископувањата во југоисточното село Караново.

***

Второто издание на фестивалот „Во кожата на научникот“ се одржа помеѓу 5-ти и 7-ми декември во музејот „25 Мај“ во Белград. На настанот, кој имаше за цел да ја популаризира науката и да го поддржи научниот напредок, ќе учествуваат 140 млади научници, кои ќе ги претстават своите достигнувања во физиката, хемијата, биологијата, астрономијата и математиката.

***

Tуркчел, турскиот најголем мобилен оператор, победи на тендерот во петокот (28-ми ноември) за третата генерација лиценци за мобилни телефони. Туркчел ги победи Водафон и Авеа нудејќи 358 милиони евра за лиценца од А-тип. Претпријатието вели дека ќе го лансира системот до средината на следната година.

(Разни извори 24/11/08-01/12/08)