Наука и технологија: Атина е домаќин на Фестивалот на науката и технологијата

17/11/2008

Атинската Палата Запеион ќе биде домаќин на Фестивалот на науката и технологијата. Исто така во вестите од науката: турски туристички портал е еден од најпопуларните веб-страници и Македонија се рангира високо по однос на смртноста поврзана со ракот на белите дробови.

[Getty Images]

Палатата Запеион во Атина ќе биде домаќин на Фестивалот на науката и технологијата од 28-ми до 4-ти декември. Фестивалот вклучува изложби на основна и примената наука и ги прикажува значајните остварувања во новите технологии. Организатор на настанот е генералниот секретаријат за наука и технологија на грчкото Министерство за развој.

***

Трите турски мобилни оператори -- Туркчел, Авеа и Водафон -- воведоа голем број пренослив сервис на 9-ти ноември. Истиот им овозможува на корисниците да ги задржат своите телефонски броеви кога менуваат еден оператор со друг. Операторите велат дека можат да го извршат трансферот на бројот на корисникот најдоцна во рок од шест дена.

***

Tурскиот oфицијален портал за туризам, www.goturkey.com, се рангира меѓу најпопуларните веб-страници во светот, објави во четвртокот (13-ти ноември) официјален претставник на Министерството за култура и туризам. Порталот доби осум поени од вкупно десет од Гугл, врз основа на важноста и меѓународната популарност. Корисниците може да го гледаат порталот на турски, германски, англиски и француски јазик.

***

Mакедонскиот министер за здравство, Бујар Османи, во четвртокот (13-ти ноември) објави дека неговата земја регистрира 860 нови случаи на рак на белите дробови годишно. На прес-конференцијата Османи рече дека ракот на белите дробови е меѓу најсмртоноските ракови кај мажите во светот и во Македонија, додека кај жените тој се рангира на третото, односно четвртото место.

***

Градската болница во Гњилане, Косовo, доби опрема за модерна медицинска анализа во својата клиника. Клиниката ќе изведува лабораториски, хематолошки и биохемиски тестови, нудејќи единствена ваква услуга во Косово. Министерството за здравство финансираше 51.000 евра во инвестицијата, која болницата ја отвори во средата (12-ти ноември).

***

Ученици од Математичката гимназија во Белград освоија пет индивидуални златни медали и еден златен тимски медал на Олимпијадата во математика во Москва, рангирајќи се помеѓу 200 ученици и 50 тимови.

***

Тим на универзитетот Јејл, предводен од турскиот неврохирург Мурат Гунел идентификуваше три гени кои предизвикуваат анеуризам во мозокот. Ова откритие може да помогне во спречувањето на мозочните крвавења.

(Разни извори – 10/11/08-17/11/08)