Бизнис: Грчката влада го извлекува банкарскиот сектор во земјата

14/11/2008

Банкарскиот сектор во Грција ќе добие план за спас вреден 28 милијарди евра. Исто така во вестите: хрватскиот премиер објави рестриктивни нови економски мерки за 2009 година и српската влада повторно се обидува да го приватизира рударскиот комплекс РТБ Бор.

Некои членови на грчката опозиција протестираат поради спасувањето на банкарскиот сектор од страна на Атина, вредно 28 милијарди евра. [Getty Images]

Банките во Грција ќе го поддржат владиниот план за спас, вреден 28 милијарди евра, објави во понеделникот (10-ти ноември) гувернерот на Националната банка на Грција, Такис Арапоглу. Во октомври владата вети 28 милијарди евра помош за банкарскиот сектор во земјата, во справувањето со меѓународната финансиска криза. Владата им понуди државни гаранции во висина од 15 милијарди евра на сите финансиски институции во земјата.

***

Хрватскиот премиер Иво Санадер во четвртокот (13-ти ноември) ги објави економските мерки како одговор на глобалната кредитна криза. На затворениот состанок со синдикалните водачи, претставниците на здруженијата на работодавачи и претставниците на регионалните здруженија, Санадер објави замрзнување на сите плати во јавниот сектор во 2009 година.

***

Српската влада отпочна уште еден обид за приватизација на рударскиот комплекс РТБ Бор во неделата (8-ми ноември). Претпријатието има долг од 500 милиони евра кон државата, кој ќе биде реструктуиран пред продажбата. Државата ќе остане малцински акционерски сопственик најмалку уште пет години.

***

Членот на претседателството на Босна и Херцеговинa (БиХ) Харис Силајџиќ и кувајтскиот премиер Насеер Ал-Сабах потпишаа договор од 30 милиони евра за финансирање на инфраструктурата на БиХ. Кредитите, кои ги додели Кувајтскиот фонд за развој, ќе послужат за финансирање на инфраструктурни проекти во БиХ, имено, патната мрежа Сараево-Тузла и еден пат долж Коридорот ВЦ.

***

Приштинскиот меѓународен аеродром го регистрираше својот милионити патник во вторникот (11-ти ноември), од почетокот на 2008 година. Директорот Агрон Мустафа рече дека оваа пресвртница била клучна цел. Аеродромските власти проценуваат дека 1,2 милиони патници ќе поминат низ нивниот аеродром оваа година.

***

Меѓународниот гигант за храна Крафт ќе ги затвори своите производствени капацитети во Романијa и делумно ќе се релоцира во Бугаријa. Фабриката на Крафт во Брашов, Романија, во која моментно се вработени 440 работници, ќе биде затворена во 2009 година. Корпоративниот менаџер на претпријатието во Романија, Доина Каваке, негираше каква било поврзаност помеѓу одлуката со глобалната финансиска криза.

***

ММФ во вторникот (11-ти ноември) препорача Aлбанијa да го зајакне своето следење на економијата за да се заштити од светската финансиска криза. Шефот на мисијата на ММФ, Гервин Бел, ги повика властите да не ги зголемуваат цените на енергијата и предупреди за веројатен пад на извозот и странските инвестиции.

(Разни извори – 07/11/08-14/11/08)