Култура и спорт: Фестивалот на опера привлече посетители на Кипар

03/09/2008

Обожавателите на операта дојдоа на Кипар изминатиот викенд. Исто така во вестите од културата: чешкиот режисер Јири Мензел ја освои наградата Златен гладијатор на Меѓународниот летен филмски фестивал, кој беше отворен во Драч, Албанија.

„Мадам Батерфлај“ на Џакомо Пучини беше дел од фестивалот во Кипар. [фестивал Пафос Афродита]

Овогодинешниот фестивал Пафос Афродита што се одржа изминатиот викенд на Кипар заврши во неделата (31-ви август). Овогодинешниот настан ја вклучуваше и претставата „Мадам Батерфлај“ на Лирскиот театар Трст.

***

Повеќе од 500 уметници, трубадури, минстрели, витези и принцези учествуваа на осмиот Средновековен фестивал на трансилванските замоци во Сибиу, Романијa. Настанот се одржа помеѓу 27-ми август и неделата (31-ви август). Германските групи на средновековна музика „Ин екстремо“ и „Борахоз“ го отворија фестивалот, со настап на Големиот плоштад во Сибиу. Програмата, исто така, вклучуваше средновековни театарски и танцови претстави, трубадурски концерти, турнири на витези, циркуски претстави и улични изведувачи.

***

Чешкиот режисер Јири Мензел ја освои наградата „Златен гладијатор“ на првиот Меѓународен летен филмски фестивал во Драч, Aлбанијa, кој беше затворен во неделата (31-ви август). Филмот на Мензел I Го служев кралот на Англија е снимен во 2006 година и ја освои наградата на критичарите на Берлинскиот фестивал 2007.

***

Со официјалната церемонија во понеделникот (1-ви септември) започна Месецот на младите 2008 во Призрен, Косовo. Во својата седма година Месецот на младите ќе биде домаќин на серија културни и спортски активности низ цело Косово, под слоганот „Дестинација Европа“.

***

Околу 10.000 луѓе се очекува да го посетат Фестивалот на виното Лимасол во Кипар кој беше отворен во петокот (29-ти август) и ќе трае до 7-ми септември. Фестивалот се одржува секоја година од 1961 година. Овогодинешната програма вклучува претстави на театарски, музички и танцови групи.

***

Триесет и седмото издание на Меѓународните средби на книжевните преведувачи се одржа во македонскиот град Лешок од 25-ти до 27-ми август. Околу 50 преведувачи од Македонија, Романија, Србија, Албанија, Бугарија, Кина, Русија, САД, Канада, Полска и други земји учествуваа на настанот.

***

Првиот европски шамионат во слободно нуркање се одржува во Кемер,<b>Tурција</b> до 6-ти септември. Се натпреваруваат вкупно 57 нуркачи од Хрватска, Франција, Италија, Шпанија и Русија, објави турската федерација на подводни спортови.

***

Грчкиот претседател Каролос Папуљас во саботата (30-ти август) ја отвори големата изложба по повод 30-годишнината од смртта на оперската пејачка Марија Калас. Настанот е дел од годишниот фестивал Преспес, посветен оваа година на починатата оперска дива и се одржува во Музејот на модерни уметности во северозападниот град Лерин.

(Разни извори 27/08/08-03/09/08)