Култура и спорт: Во Турција откопана статуа на Марко Аурелиј

27/08/2008

Археолозите откопаа мермерна статуа на римскиот император Марко Аурелиј во Турција. Исто така во вестите: во Србија поставена нова статуа во чест на реге легендата Боб Марли и хрватски филм ја освои главната награда на Сараевскиот филмски фестивал.

Колосалната мермерна глава го претставува Марко Аурелиј во младоста. [Sagalassos Archaeological Research Project]

Група археолози откопаа делови од гигантска мермерна статуа на римскиот император Марко Аурелиј во градот Сагалосос, во Tурција. Главата, десната рака и долниот дел од нозете се меѓу откриените делови. Аурелиј се смета за еден од „петте добри императори“ во римската историја. Археолозите велат дека статуата лежела во најголемата просторија на римските бањи во Сагаласос. Главата на статуата е многу добро сочувана и се смета за една од најдобрите претстави на Марко Аурелиј пронајдени досега.

***

Првата статуа на реге легендата Боб Марли во Европа е откриена во саботата (23-ти август) во Банатски Соколац, Србијa, кој беше домаќин на фестивалот Рок село за поддршка на мирот на Балканот. На дводневниот фестивал, кој беше отворен во петокот (22-ри август), настапија српски и <b>хрватски</b> рок групи.

***

Хрватскиот филм „Бјуик ривиера“ на режисерот Горан Русиновиќ ја освои наградата за најдобар филм на 14-тиот Сараевски филмски фестивал, кој заврши во саботата (23-ти август). Тој победи десет други филмови од Австрија, Босна и Херцеговина, Хрватска и Унгарија, Србијa, Словенија и Tурција. На овогодинешниот Сараевски филмски фестивал беа прикажани 174 филмови и документарци.

***

Вториот Летен фестивал на книгата и летна литературна сцена се одржа во Сараевo од 18-ти до 28-ми август. Фестивалот промовираше 50 кратки приказни од 11 европски земји.

***

Најновиот роман на турскиот добитник на Нобеловата награда Орхан Памук, Masumiyet Muzesi (Музејот на невиност), ќе биде објавен в петок (29-ти август). Книгата ќе се појави и на 30 странски јазици.

***

Aлбанскиот поет Фатос Арапи го освои Златниот венец на 47-мото издание на Струшките вечери на поезијата во Maкедонијa во неделата (24-ти август). На меѓународниот натпревар учествуваа повеќе од 150 поети.

***

Беџехад 2008, еврејски културен настан, беше отворен во Опатија, Хрватскa, во неделата (24-ти август). На седумдневниот настан ќе учествуваат претставници на еврејските заедници од поранешна Југославија. Фестивалот има за цел зајакнување на еврејскиот културен идентитет во регионот.

***

Во понеделникот (25-ти август) бугарскиот свирач на кавал Теодосиј Спасов го отвори Балканскиот фестивал на флејтата во културниот центар во Пале, Босна и Херцеговинa (БиХ). На настанот, кој завршува в четврток (28-ми август), ќе учествуваат 23 флејтисти од БиХ и Србијa.

(Разни извори – 20/08/08-27/08/08)