Бизнис: Турција ќе одржи саем на рибарската индустрија

15/08/2008

Истанбул ќе биде домаќин на „Фјучр фиш Евроазија“ 2008. Исто така во бизнис вестите: Бугарија отвори меѓународен тендер за изградба на комплекс за повеќенаменска употреба и Албанија и Црна Гора предвидуваат највисок предвиден економски раст на Балканот оваа година.

[Future-Fish.com]

Фјучр фиш Евроазија 2008, единствениот саем на рибарската индустрија во Tурција ќе се одржи во Истанбул помеѓу 23-ти и 25-ти октомври. Фјучр фиш Евроазија 2008 ќе биде комбинација на Саем за увоз/извоз и преработка на морска храна, Саем за водени технологии и опрема и Саем за индустриски рибарски технологии и опрема. Повеќе од 250 турски и странски претпријатија ќе учествуваат на настанот и околу 6.000 претставници на секотор се очекува да го посетат саемот.

***

Бугаријa започна меѓународен тендер за изградба на нов комплекс за повеќенаменска употреба во центарот на Софија, објавија владини претставници. Проектот вреди 2 милијарди евра. Комплексот ќе ги замени касарните и канцелариите со владини и корпоративни канцеларии, хотели и спортски и забавни објекти. Изградбата се очекува да започне за две години.

***

Tурската влада започна разговори за стендбај заем со ММФ, рече во понеделникот (11-ти август) министерот за економија, Мехмет Шимшек. Преговорите започнаа откако во мај истече заемот на Турција од 10 милијарди американски долари од ММФ. На земјата не й требаат финансиите на ММФ, но владата смета дека од претпазливост е неопходен стенд-бај договор, вели Шимшек.

***

Косовската енергетска корпорација (КЕК) започна со исклучување на корисниците кои доцнат со плаќањето од нејзината мрежа околу Приштина во понеделникот (11-ти август). Се проценува дека КЕК е оптоварен со преку 330 милиони евра неплатени сметки, што го прави претпријатието неспособно да ја поправи својата физичка централа и да увезе електрична енергија.

***

Aлбанијa и Црна Гора ќе ужива најголем економски развој на Балканот во 2008 година, покажаа неодамнешните прогнози на ММФ. Албанскиот проектиран економски раст, проценет на 6 отсто, е по оној на Црна Гора, чија економија се очекува да достигне раст за 7,2 отсто оваа година.

***

Водечкото хрватско претпријатие за млечни производи, Дукат, беше единствениот инвеститор кој поднесе понуда за откуп на локалната фабрика за прерабока на млеко КИМ. Дукат веќе контолира 66,96 отсто од акциите на КИМ, кои ги купи преку приватизацијата на фабриката која започна претходно оваа година.

***

Српската влада ќе побара 4,14 милијарди евра за финансирање на модернизацијата на својата железница, објави весникот Политикa во четвртокот (14-ти август). Разговорите со заинтересираните финансиски институции ќе започнат во септември.

(Разни извори – 08/08/08-15/08/08)