Наука и технологија: Тракиска гробница откопана во Бугарија

30/06/2008

Бугарските археолози открија античка тракиска гробница во Бугарија. Исто така во вестите: грчките претпријатија користат графолошки анализи за вработување нови работници и Македонија отвори лабораторија за тестирање на соларните колектори.

Научниците открија тракиска гробница во близина на селото Бродилово и планинскиот венец Странџа. [Архива]

Тим бугарски aрхеолози, предводени од Даниела Агре, ископа античка тракиска гробница во близина на селото Бродилово и планинскиот венец Странџа. Според Агре, гробницата датира од 4-тиот век пред н.е. и е богат со артефакти. Тоа е единствена тракиска гробница откриена во оваа област досега.

**

Сé поголем број грчки претпријатија користат графолошка експертиза кога вработуваат нов персонал, објави Tа Неa во понеделникот (23-ти јуни). Работодавачите бараат од кандидатите да дадат куса биографија со нивни ракопис и бараат од нив да напишат еден пасус за време на интервјуата за подоцнежната графолошка анализа.

***

Бугаријa е првата земја што бара регистрација на интернет домен на кирилица. Според нејзиното барање до Меѓународната корпорација за доделување имиња и броеви во Париз во вторникот (24-ти јуни) Бугарија побарала да се регистира и да го задржи доменот „бг“.

***

Бугарското претпријатие Design.bg и романското Нетбриџ дивелопмент заеднички, со бугарскиот провајдер на информациски услуги и бизнис решенија „Ол дејта просесинг“ го основаа првиот центар за професионална обука од е-маркетингот на Балканот. Центарот, наречен Е-академија, ќе обучува претпријатија и професионалци од регионот.

***

Maкедонскиот министер за земјоделство, Ацо Спасеновски, во вторникот (24-ти јуни) отвори модерна лабораторија во Институтот за хидрометеорологија во Скопје. Лабораторијата ќе ги тестира капацитетите за загревање на водата на соларна енергија. Истата доби субвенција од 300.000 евра од австриската влада.

(Разни извори – 23/06/08-30/06/08)