Дипломатски дневник: Ѓул во историска посета на Јапонија

03/06/2008

Абдула Ѓул ќе учествува на јапонскиот економски форум оваа недела. Исто така во дипломатските вести: Словачкиот премиер Роберт Фичо беше бо Сараево, и претседателот на Генералното собрание, Срѓан Керим, изрази поддршка за фокусот на Албанија на нуклеарната енергија.

Турскиот претседател Абдула Ѓул пристигна во Јапонија во вторникот (3-ти јуни). [Getty Images]

Абдула Ѓул во вторникот (3-ти јуни) пристигна во Јапонија, во прва досега официјална посета на оваа земја од страна на еден турски претседател. Тој ќе се состана со императорот Акикито, премиерот Јасуо Фукуда и членови на парламентот. Ѓул, исто така, учествува на економските форуми во Токио и Осака.

***

Естонскиот премиер Андрус Ансип во неделата (1-ви јуни) допатува во четиридневна посета на Mакедонијa. Неговата делегација вклучува претставници на 15 естонски претпријатија за ИТ.

***

Претседателот на кипарскиот парламент, Мариос Каројан, во понеделникот (2-ри јуни) допатува тридневна посета на Португалија. Каројан ќе се состане со претседателот Анибал Чавако Силва и членови на парламентот.

***

Словачкиот премиер Роберт Фичо, кој во понеделникот (2-ри јуни) беше во Сараево, се состана со премиерот на Босна и Херцеговинa (БиХ) Никола Шпириќ, со членовите на трипартитното претседателство и премиерот на Република Српска Милорад Додик. Фичо и Шпириќ потпишаа договор за странски инвестиции и економска соработка.

***

Aлбанскиот фокус на нуклеарната енергија доби поддршка во четвртокот (29-ти мај) од претседателот на Генералното собрание на ОН, Срѓан Керим, во Тирана. Керим се состана со претседателот Бамир Топи, со претседателката на парламентот Јозефина Топали и премиерот Сали Бериша.

***

Министерот за одбрана на Босна и Херцеговинa Селмо Чикотиќ и неговиот црногорски колега, Боро Вучиниќ, се состанаа во петокот (30-ти мај) во Сараево, на разговори околу соработката во спроведувањето на Индивидуалниот акциски план за партнерство (ПАП) и програмата Интензивен дијалог во нивните кандидатури за членство во НАТО.

***

Претседавачот на Националниот комитет на Политичко-консултативната конференција на кинескиот народ (ЦППЦЦ), Јиа Кингил, се состана со хрватскиот премиер Иво Санадер и претседателот на парламентот, Лука Бебиќ, во средата (28-ми мај) во Загреб. Јиа и Санадер се надеваат дека ќе го подобрат политичкиот дијалог и соработка во трговијата, културата, науката и туризмот.

***

Tурските изгледи за влез во ЕУ и напредок во разговорите за пристап во ЕУ беа главлата тема во средата (28-ми мај), кога претседателот на турскиот парламент, Коксал Топтан, се состана со романскиот премиер Калин Попеску Таричеану и претседателот на долниот дом Богдан Олтеану во Букурешт. Тие изразија цврста поддршка за кандидатурата на Турција за влез во ЕУ.

***

Хрватскиот министер за надворешни работи и евроинтеграција, Гордан Јандроковиќ, во понеделникот (2-ри јуни) пристигна во Тирана, на разговори околу изгледите за влез во НАТО и ЕУ. Aлбанската министерка за интеграција, Мајлинда Брегу, ги објасна напорите на Албанија за потпишување на Договорот за стабилизација и асоцијација со ЕУ. Тие, исто така, разговараа за билатералната визна либерализација.

***

Грција ќе го поддржи напреднатиот договор за соработка со ЕУ и Moлдавијa, го увери премиерот Костас Караманлис својот молдавски колега во посета на земјата, Зинаида Грециани, во понеделникот (2-ри јуни). Караманлис ја потврди својата поддршка за интеграцијата на Молдавија во ЕУ и нејзините напори за решавање на транс-дњестарското прашање.

(Разни извори 27/05/08-03/06/08)