Дипломатски дневник: Ди Карло ја потврди американската поддршка за независноста на Косово

29/01/2008

Американскиот заменик помошник државен секретар за европски и евроазиски прашања, Розмари ди Карло, се состана со албанските и српските водачи во Косово. Исто така оваа недела: македонскиот претседател во посета на Катар.

Американскиот заменик помошник државен секретар, Розмари ди Карло, беше во Приштина. [Getty Images]

Американскиот заменик помошник државен секретар за европски и евроазиски прашања, Розмари ди Карло, во петокот (25-ти јануари) беше во Приштина. Таа се состана со албанските и српските водачи и истакна дека САД и понатаму ја поддржуваат независноста за Косово.

***

Економските односи помеѓу Maкедонијa и Катар беа главна тема на разговорите во понеделникот (28-ми јануари) помеѓу македонскиот претседател Бранко Црвенковски и катарскиот емир Хамад бин Калифа ал-Тани. Црвенковски, кој е во тридневна посета од неделата, ги истакна напорите на Македонија за привлекување странски инвестиции и рече дека даночната политика на неговата земја е најповолна во регионот.

***

Генералниот секретар на ОН, Бан Ки-Мун, во петокот (25-ти јануари) ја посети Словенија и се состана со претседателот Данило Турк и министерот за надворешни работи, Димитриј Рупел. Тие, помеѓу другото, разговараа и за планираното распоредување мировна мисија на ЕУ во Косовo.

***

Кипарскиот министер за надворешни работи, Ерато Козаку Маркулис, во саботата (26-ти јануари) ја заврши посетата на Либија. За време на состаноците, тој говореше за улогата на Либија во Африка, кипарското прашање и соработката помеѓу двете земји на различни медитерански инцијативи.

***

Српскиот министер за труд, Расим Љајиќ, кој е истовремено и шеф на националниот совет за соработка со Меѓународниот кривичен трибунал за поранешна Југославија (МКТЈ) разговараше за соработката на МКТЈ со комесарот за проширување на ЕУ, Оли Рен, во четвртокот (24-ти јануари). Српскиот обвинител за воени злосторства, Владимир Вукчевиќ, исто така присуствуваше на разговорите.

***

Српскиот министер за надворешни работи, Вук Јеремиќ, во четвртокот (24-ти јануари) се состана со својот руски колега, Сергеј Лавров. Тие разговараа околу претседателските избори во Србија и прашањето на статусот на Косово.

***

Франција ја поддржува брзата европска интеграција на Србијa, рече во средата српскиот министер за надворешни работи, Вук Јеремиќ, во средата (23-ти јануари), по состанокот со неговиот француски колега, Бернард Кушнер, во Париз. „Србија и целиот Западен Балкан уживаат широка, цврста и безусловна поддршка од Франција“, рече Јеремиќ на прес-конференцијата.

(Разни извори 22/01/08-29/01/08)