Наука и технологија: Грција ќе се фокусира на „зеленото“ образование

07/01/2008

Министерството за образование на Грција планира да понуди повеќе предавања од областа на екологијата во училиштата. Исто така во вестите оваа недела: Казните поврзани со животната средина во Србија ќе се зголемат скоро 20 пати и БиХ заостанува во е-банкарството.

Еколошкото образование во основните и средните училишта ќе биде приоритет. [Архива]

Грчкото Министерство за образование во четвртокот (3-ти јануари) ги објави плановите за приоретизација на еколошкото образование во училиштата, во кое моментно учествуваат само 15 отсто од учениците. Во средното образование предавањата за животната средина се нудат на доброволна база по наставата, додека во основните училишта се одвојуваат по два часа неделно за оваа тема.

***

Српскиот министер за животна средина, Саша Драгин, на 28-ми декември рече дека неговото министерство подготвило нов закон кој ќе ги зголеми паричните казни за загадувачите на животната средина за скоро 20 пати. Властите тврдат дека ќе биде поевтино за индустриските претпријатија да купат опрема за прочистување и да користат еколошки технологии, отколку да ги плаќаат високите парични казни.

***

Босна и Херцеговинa (БиХ) сé уште заостанува зад своите соседи во е-банкарството, изјави шефот на босанското Биро за електронско банкарство (ЕББ), Сеадета Чериќ, на конференцијата во Сараево минатиот месец. Во моментов 16 банки се членови на ЕББ и обезбедуваат услуги од е-банкарството.

***

Околу 70 отсто од Maкедонците имаат мобилни телефони, додека 75 отсто имаат фиксни телефони, објави А1 телевизија на 28-ми декември, наведувајќи ги податоците на Државниот завод за статистика. Само 20 отсто од населението -- или 400.000 луѓе -- користат Интернет, но ова претставува драстично зголемување од 30.000 корисници во 2000 година.

***

Брдлајф Кипар, конзервативна група, во неодамнешниот извештај објави дека околу 500.000 птици-песнопојки се убиени во Кипар во 2007 година и покрај локалната забрана на оваа практика. Птиците, главно врапчиња и црвеношијки, завршуваат во локалните ресторани пржени или закиселени како специјалитет наречен „ампелопуља“.

(Разни извори – 31/12/07-07/01/08)