Бизнис: „Џонсон контролс“ отвори фабрика за автомобилски делови во Македонија

14/12/2007

Американската фабрика е отворена во близина на Скопје. Исто така во вестите оваа недела: Истанбул ќе стане иден финансиски центар и во Хрватска ќе се гради нов гасовод.

Новата фабрика на „Џонсон контролс“ беше официјално отворена во Слободната економска зона Бунарџик, Македонија, во средата (12-ти декември). [Томислав Георгиев]

Американскиот производител на автомобилски делови „Џонсон контролс“ во средата (12-ти декември) отвори фабрика во Maкедонијa. Фабриката, која се наоѓа во слободната економска зона Бунарџик, во близина на Скопје, првично ќе вработи околу 150 луѓе и ќе произведува автомобилски делови што се продаваат на германскиот и францускиот пазар.

***

Истанбул ќе стане меѓународен финансиски центар, со планирани инвестиции од 2 милијарди американски долари во следните три години, изјави во вторникот (11-ти декември) шефот на Управниот одбор на Турското банкарско здружение, Ерсин Озинче. Инвестицијата е прва фаза на програмата што се спроведува со поддршка на турските банки и во соработка со ММФ.

***

Инвеститорите ставија повеќе од 1,5 милијарди евра во налози за вложување, како дел од Првичната јавна понуда (ИПО) на романскиот Tрансгас медиас, според податоците објавени во понеделникот (10-ти декември). ИПО стана најголемиот влог во историјата на Букурешката берза со понуда 23,5 пати поголема од првичната вредност на влогот.

***

ЕБРД во понеделникот (10-ти декември) објави дека ќе додели заем од 4 милиони евра за косовската невладина Програма за претријатија, за финансирање на микро, малите и средните претпријатија. Проектот ќе им помогне на локалните претприемачи да финансираат нови или да ги прошират постојните бизниси.

***

Хрватскиот оператор на гасоводот Јанаф има намера да инвестира вкупно 15 милиони евра во новиот гасовод во 2009 година, што ќе го заобиколи сегашниот гасовод во близина на Крчки Мост. Проектот предизвика голема загриженост за безбедноста и животната средина.

***

ЕБРД ги објави своите планови за инвестирање на повеќе од 20 милиони евра во 2008 година во албанските енергетски и инфраструктурни проекти и приватниот сектор. Банката ќе финансира нов фонд за енергетска ефикасност со цел ограничување на загубата во електродострибуциониот систем.

***

Српскиот aвиопревозник „Џет ервејс“ и црногорскиот „Монтенегро ервејс“ се согласија да соработуваат според договорот Отворено небо. Договорот им овозможува на сите авиокомпании на ЕУ да сообраќаат неограничено до сите аеродроми во ЕУ, сé додека летовите се објавувани предвреме.

(Разни извори – 07/12/07-14/12/07)