Наука и технологија: Медитеранската храна го спречува ракот, велат експертите

10/12/2007

Грчките експерти открија дека медитеранската храна го спречува ракот. Исто така во вестите: Скопскиот државен универзитет отвори оддел во Дубаи, и Албанија и Италија потпишаа договор за соработка.

[Getty Images]

Грчките eксперти открија дека медитеранската храна е една од причините што ракот на простата помеѓу монасите во манастирот Света Гора на планината Атос го Грција е за 4,5 пати поредок отколку светскиот просек. Исхраната на монасите се состои од маслиново масло и мало консумирање животинска храна, а големо консумирање риба, зеленчук и овошје.

***

Скопскиот државен универзитет Св.Кирил и Методиј го отвори својот прв оддел во странство. Одделот започна со работа на 1-ви декември во Абу Даби, Обединети Арапски Емирати.

***

***

Албанскиот министер за образование, Генц Поло, и италијанскиот амбасадор во Тирана, Саба Делиа, ја потпишаа третата билатерална извршна програма за научна и технолошка соработка во понеделникот (3-ти декември). Според програмата, Италија ќе обезбеди 400 милиони евра за научно-истражувачки проекти и за активностите во Албанија.

***

Академик Георги Старделов (77) е избран за нов претседател на Maкедонската академија на науките и уметностите во понеделникот (3-ти декември). Старделов е осмиот претседател на академијата и ќе го замени Цветан Грозданов.

***

УСАИД и норвешката влада во четвртокот (6-ти декември) објавија дека ќе ја финансираат тригодишната програма за зголемување на користењето на информатичко-комуникациските технологии во малите и средните претпријатија во Босна и Херцеговинa. Вкупните финансии за проектит ќе бидат 3,4 милиони евра и главно ќе бидат насочени за претпријатијата од земјоделскиот, шумарскиот и туристичкиот сектор.

***

Бројот на корисниците на Интернетот во Босна и Херцеговинa (БиХ) се зголеми од 21 отсто во 2006 година на 29 отсто во 2007 година, според истражувањето на ГфК БиХ, објавено на 30-ти ноември. Бројот на домаќинствата што се поврзани на Интернет, исто така, се зголеми на 23 отсто, од 14 отсто пред една година.

(Разни извори – 03/12/07-10/12/07)