Наука и технологија: Бавен раст во користењето на Интернетот на Балканот

03/12/2007

Црна Гора и Хрватска водат во регионалното користење на Интернетот. Исто така во вестита оваа недела: саем на телекомуникациите започна во Тирана и Интел отвори канцеларии во Белград.

Просечното ниво на Интернет пристап во европските земји е околу 41,7 отсто. [Архива]

Околу 40 отсто од Црногорците користат Интернет, објави веб-страницата Интернет ворлд во вторникот (27-ми ноември). Веб-страницата објави дека еден од тројца Хрвати користат Интернет, во споредба со еден од пет во Босна и Херцеговина. Во Aлбанијa, 15,3 отсто имаат Интернет пристап, додека во Србијa 13,9 отсто користат Интернет.

***

Владата на Maкедонијa во неделата (25-ти ноември) објави дека ќе додели 500 стипендии за 125 најдобри студенти по информатика во земјата во текот на следните четири години. Стипендиите се дел од проектот „Македонија, земја на информатичари“.

***

Четиринаесеттиот Меѓународен саем „Клик експоклик“ беше отворен во понеделникот (26-ти ноември) во Tиранa. На еднонеделната изложба ќе биде прикажан најновиот телекомуникациски развој на повеќе од 800 албански и странски претпријатија.

***

Владата на <b>Федерацијата на Босна и Херцеговина</b> (ФБиХ) доби 35.000 евра за поддршка на 11 иновациски проекти оваа година, објави во вторникот (27-ми ноември) Министерството за економија на ФБиХ. Владата планира да ја зголеми поддршката за иновациите во 2008 година.

***

Научници од Tурција, САД и Јапонија развија нов метод за генерирање радијација од терахерци домен со помош на високотемпературни суперкондуктори. Методот на генерирање Т-бранови, предложен од научниците, се заснова на Џозефсониот ефект.

***

Хрватскa е една од деветте земји во светот што произведува вакцини за борба против грипот. Производството е во тек во Загребскиот имунолошки центар, кој ќе подготви 80 отсто од вакцините против грип во земјата оваа недела.

***

Водечкиот светски производител на чипови Интел отвори регионални канцеларии во <b>Белград</b>, во вторникот (27-ми ноември). Новата канцеларија ќе ги води активностите на претпријатието во Словенија, Хрватска, Босна и Херцеговина, Црна Гора, Македонија и Aлбанијa.

(Разни извори – 26/11/07-03/12/07)