Наука и технологија: Ископувањата во Анатолија ќе продолжат

12/11/2007

Значајни откритија се пронајдени на локалитет во провинцијата Битлиш. Исто така оваа недела: според еден нов извештај, скоро 80 отсто од софтверот на српскиот пазар е нелегален.

Значајчи археолошки откритија се откопани во источната анатолска провинција Битлиш оваа година. [AФП]

Група турски археолози ќе продолжи со ископувањата во источната анатолска провинција Битлиш, изјави во вторникот (6-ти ноември) водачот на тимот Кадир Пекташ. Значајни археолошки откритија се откопани на локалитетот оваа година, вклучително и голем број монети, керамички предмети и тутунски кадрици.

***

Извештајот на Бизнис софтвер алијанс (БСА) од вторникот (6-ти ноември) покажа дека 78 отсто од целиот софтвер на српскиот пазар е нелегален. Според БСА, здружение за борба против компјутерското пиратство, Србија има највисока стапка на пиратство во Централна и Источна Европа. Само 41,8 отсто од компјутерските дистрибутери нудат оригинален софтвер, додека 57 отсто не ги информираат купувачите за можните законски казни.

***

Десеттиот меѓународен саем за органска храна, Еко фестивал 2007, се одржа во Aтина од четвртокот (8-ми ноември) до неделата. Учествуваа повеќе од 170 еколошки организации и претпријатија, вклучително и фирми што работат на обновливи енергетски избори.

***

Еколошкиот проект за собирање пластичен отпад се одржа во четвртокот (8-ми ноември) во Гостивар, Maкедонија. Проектот беше спроведен со поддршка на УСАИД и имаше за цел подигање на свеста за важноста на рециклирањето на пластичниот отпад.

***

Maкедонската Aкадемија на науките и уметностите во четвртокот (8-ми ноември) ја прослави 40-годишнината од формирањето. Јубилејните настани вклучуваа 200 научни состаноци и проекти за билатерална соработка, со повеќе од 25 национални академии.

***

Мајкрософт Босна и Херцеговинa (БиХ) во четвртокот (8-ми ноември) објави дека отвора нов кол центар во земјата, со поефикасна и побрза техничка поддршка за клиентите на сите три јазици во БиХ. Мајкрософт БиХ, исто така, објави дека локалната верзија на своите најнови производи, „Виндоус виста“ и „Офис 2007“ ќе биде на располагање до крајот на годинава.

***

Триесетивтората изложба на иновации, Инова, беше отворена во средата (7-ми ноември) во Загреб. На настанот учествуваат најуспешните хрватски иноватори од 1971 година досега. Изложбата ќе биде придружена со мултимедијален саем насловен како „Воспевање на прв поглед“.

(Разни извори – 05/11/07-12/11/07)