Наука и технологија: Бугарија, Австрија и Романија потпишаа меморандум за научната соработка
03/09/2007
Трите членки на ЕУ потпишаа договор за зголемена соработка. Исто така оваа недела: грчките археолози открија антички премин, и претпријатие од Бања Лука почна со изградба на фабрика за биодизел.
 Најголема соработка во научното истражување се предвидува со трилатералниот меморандум што го потпишаа Австрија, Бугарија и Романија. [Getty Images] |
Бугарскиот министер за образование и наука, Даниел Вулчев, потпиша трилатерален меморандум за научно истражување и соработка со Австрија и Романија. Прв договор од ваков вид помеѓу земјите-членки на ЕУ, потпишувањето беше направено на технолошката конференција во Австрија.
***
Maкедонијa го намали ДДВ на компјутерската опрема, софтверот и соларните колектори од 18 на 5 отсто. Според премиерот Никола Груевски, владата можеше да го стори тоа поради економската стабилност во земјата.
***
Aрхеолозите во Грција открија таен подземен коридор кој води до праисториската тврдина Мидеа. Тие веруваат дека преминот, кој датира од 13-тиот век п.н.е. се користел за снабдување на местото со вода во време на опасност. Досега се откриени само три премини од Бронзеното време од овој вид.
***
Aлбанските жени ќе можат да добиваат бесплатен преглед за рак на дојка во сите болнички центри во Тирана и во четирите големи градови почнувајќи од овој месец. Иницијативата е спонзорирана од италијанската влада, како дел од иницијативата ЕК Интерег III.
***
Хрватскиот министер за култура, Божо Бискупиќ, и министерот за одбрана, Берислав Рончевиќ, во вторникот (29-ти август) потпишаа договор кој ќе му овозможи на Министерството за култура да користи армиски брод за подземна археологија. Договорот ќе го унапреди истражувањето и обуката, ќе ги олесни подземните реставрациски работи и ќе овозможи подлабоко истражување во заштитените природни ресурси на Јадранот, рече Бискупиќ.
***
Претпријатието од Бања Лука „Систем екологика“ во понеделникот (27-ми август) објави дека отпочна со изградбата на фабрика за биодизел. Проектот ќе чини 7,5 милиони евра и ќе му овозможи на претпријатието да произведува 60 тони биодизел дневно за домашниот пазар во Босна и Херцеговинa.
(Разни извори -- 27/08/07-03/09/07)
Email to a friend
печатена верзија 
Косово: Ќор-сокак на границата
Енергија: Прашања и трендови
Променети сфаќања: Жените на Балканот
Балканот: Акцент на екологијата
Вашите коментари за натписите на SETimes се добредојдени.
Се надеваме дека ќе го искористите овој форум за да комуницирате со другите читатели од Југоисточна Европа. За ова искуство да биде интересно, бараме од вас да ги следите правилата наведени во правилникот за коментари. Со испраќањето на коментарите, вие се согласувате со овие правила. Иако SETimes.com ги охрабрува дискусиите на сите теми, вклучително и на чувствителните, коментарите што се објавуваат се ставови единствено на оние што ги испраќаат. SETimes.com не ги одобрува и не се согласува секогаш со идеите, ставовите или мислењата искажани во овие коментари. SETimes.com ги поддржува конструктивните дискусии, но е против употребата на копи-пејст материјалите, непридружуваните линкови и слогани од еден ред. Ова е умерен форум. Коментарите што се сметаат за погрдни, навредливи, или оние што содржат вулгарности, нема да се објават.
Правилник за коментари на SETimes's