Наука и технологија: Дунав доби здравствена проверка

20/08/2007

Научниците од 8 земји спроведоа студија на втората по големина река во Европа. Исто така оваа недела: Македонија објави зголемување на бројката за заболени од ХИВ/сида, и турските сеизмолози предвидоа веројатност од земјотреси во областа на Истанбул.

Дунав. [Getty Images]

Тим европски научници спроведе шестдневна експедиција за испитување на Реката Дунав, почнувајќи од вторник (14-ти август). Учествуваа осум научници од осум земји. Фокусот беше ставен на проценката на квалитетот на речната вода.

***

Бројот на жртвите на сидата се зголемува во Maкедонијa, објави националната координаторка во земјата за борбата против оваа болес, Весна Велик Стефановска. Таа рече дека вкупно 101 лице се заболени од ХИВ или сида во земјата од јуни 2007 година. Повеќе од две третини од нив се мажи, а две третини се на возраст помеѓу 20 и 30 години.

***

Земјотреси со јачина од 7 до 7,5 степени според Рихтеровата скала би можеле да го погодат регионот на Истанбул до 2029 година, според научниците во Универзитетот Босфор. Тие проценија дека шансите за силни земјотреси во областа изнесуваат 65 отсто.

***

Фонд од 140.400 евра е формиран за финансирање и промовирање на професионалната размена помеѓу хрватските научници дома и во странство. Иницијативата е на Министерството за наука и образование на земјата.

***

Вкупно 42 мали електроцентрали ќе бидат изградени на реките Шкумбин и Девол во Елбасан во централна Aлбанијa, преку приватни иницијативи. Тие се очекува двојно да го зголемат снабдувањето со енергија и да ги олеснат хроничните кризи со електрична енергија во Албанија.

***

Романијa купи 25 специјално опремени возила што ќе й овозможат на локалната полиција да пронаоѓа дрога помеѓу возачите. Цената на истите изнесува 1,2 милиони евра, при што средствата ги обезбеди Европската комисија и романската влада.

(Разни извори - 13/08/07-20/08/07)