Култура и спорт: Романката Боитор избрана за втора придружничка на Мис на светот

04/10/2006

Седумнаесетгодишната Романка беше втора придружничка, по претставничката на Чешка, Татјана Кучарова. Исто така во вестите од културата и спортот: Бугарите однесоа дома три медали од Светското првенство во борење за сениори во Гуангжу, во Македонија се одржа филмскиот фестивал „Браќа Манаки“, и во Мостар отворен нов отворен театар.

Јоана Валентина Боитор (лево) го освои второто место на натпреварот за Мис на светот во Варшава. Татјана Кучарова од Чешка беше прва придружничка. [Getty Images]

Романката Јоана Валентина Боитор го освои второто место на натпреварот за Мис на светот за 2006 година, што се одржа во Варшава, Полска. Седумнаесетгодишната средношколка беше втора, по претставничката на Чешка, Татјана Кучарова. Австралијката Сабрина Хусами (20) беше трета.

***

Бугарија освои три медали -- две златни и една бронзена -- на Светското првенство во борење за сениори во Гуангжу, Кина. Станка Златева ја освои првата светска титула за Бугарија во борење за жени, победувајќи ја петтократната светска шампионка Киоко Хамагучи од Јапонија. Радослав Велков стана светски шампион во категоријата слободен стил, додека Калојан Динчен освои бронзен медал во категоријата грчко-римски стил.

***

Филмот на романскиот режисер Корнелиу Порумбиу, „12:08 Источно од Букурешт“ ја освои наградата за најдобар филм и најдобро сценарио на овогодишниот меѓународен филмски фестивал во Копенхаген. Ова е последното меѓународно признание за првиот долгометражен филм на Порумбиу, по наградите на Кан и на Трансилванискиот филмски фестивал претходно оваа година.

***

Белгискиот кинематограф, Стефан Фонтен ја освои главната награда Златна камера 300 на меѓународниот филмски фестивал „Браќа Манаки“ во Битола, Mакедонијa. Фонтен ја доби наградата за својата работа на филмот „Чукањето на моето срце запре“. Сребрената камера 300 ја доби филмот на Јури Клеменко „Сонување за вселената“, додека бронзата ја освои филмот на германскиот режисер Коља Бранд, „Деликвент“.

***

Шеснаесетгодишната Вивиен Лисбет Рамос Пума од Венецуела победи на натпреварот за Мис глоуб за 2006, кој се одржа во Бутринт, Aлбанијa. Шпанката Маријан Кариан Кабрера (22) беше втора, додека Албанката Силви Скендерај (17) беше трета.

***

Минатата недела официјално беше отворен нов отворен театар во Мостар, Босна и Херцеговина (БиХ). Локалниот иницијативен комитет го отпочна проектот, со финансиска помош од „Бриџис баундерис интернешнал“.

***

Изложба на најдобрите остварувања на хрватските фоторепортери од минатата година, беше отворена во галеријата Бадров во Загреб. Здружението на фоторепортери ХНД го организираше настанот.

(Разни извори – 27/09/06 - 04/10/06)