Ван Ромпуј: Ратификацијата на ДСА на Србија ќе започне во јуни

07/03/2010

БРИСЕЛ, Белгија -- Претседателот на ЕУ Херман Вна Ромпјуп во петокот (5-ти март) рече дека верува оти Унијата ќе ја започне ратификацијата на Договорот за стабилизација и асоцијација (ДСА) со Србија во јуни. Ван Ромпуј во Брисел се состана со српскиот премиер Мирко Цветковиќ, кој рече дека приоритет број еден за неговата држава е пристапувањето во ЕУ. Ван Ромпуј рече дека сега кога привремениот договор постигнат во декември е активен, ЕУ може целосно да ги поддржи напорите на Србија за интеграција.

Цветковиќ е решен неговата земја да добие кандидатски статус во ЕУ во 2010 година. Добивањето на посакуваниот статус беше блокирано поради противењето од страна на Холандија, која бара Белград целосно да соработува со Хашкиот трибунал за воени злосторства и да го уапси воениот водач на босанските Срби Ратко Младиќ. За време на посетата на Брисел, Цветковиќ се состана со неговиот белгиски колега Ив Летерм. Тие се согласија за блиска соработка со цел решавање на проблемот со барателите на политички азил од јужна Србија и Македонија, кои живеат во Брисел. Шведска и Швајцарија, исто така, се жалат на зголемениот број баратели на азил од Србија, Македонија и Црна Гора. (Бета, РТС - 05/03/10)