Државните службеници во Романија планираат штрајкови

26/02/2010

БУКУРЕШТ, Романија -- Јавните службеници ќе ги напуштат своите работни места во март и ќе протестираат поради намалените плати, предупреди во четвртокот (25-ти февруари) претставникот на синдикатот Себастијан Опреску. Тој рече дека демонстрациите ќе бидат организирани во април во Букурешт, додека генералниот штрајк се очекува во средината на мај. Опреску рече дека околу 500.000 јавни службеници е можно да се приклучат на генералниот штрајк ако владата не ги почитува колективните договори за работни односи и продолжи со мерките за кратење на платите. Опреску, исто така, изрази загриженост во врска со неодамнешното соопштение на Министерството за труд, дека нема да реализира голем број колективни договори за работни односи оваа година. Во обид за намалување на трошоците, владата вели дека мора да го намали бројот на јавните службеници. Министерот за финансии, Себастијан Владеску, вели дека повеќе од 100.000 работни места ќе бидат скратени во текот на следните четири години. (Mедиафакс, Зиаре, Реалитатеа, новинска агенција Фокус - 25/02/10)