Албанија стави вето на меѓународната истрага за трговија со органи

09/08/2009

ТИРАНА, Албанија -- Албанија е подготвена да покрене истраги во врска со наводите за трговија со органи за време на косовскиот конфликт, но вели дека секоја истрага на нејзината територија мора да биде спроведена од домашните власти. По состанокот со специјалниот известувач на Советот на Европа Дик Марти, министерот за правда, Енкеилед Алибеај, за новинарите изјави дека владата е „отворена за сите барања“ за истрага, врз основа на критериумите на СоЕ. Но, тој исто така рече дека само домашните обвинители се овластени да спроведуваат истраги на албанска територија, отфрлајќи ја можноста за меѓународна истрага.

Србија тврди дека членовите на сега распуштената Ослободителна војска на Косово (ОВК) киднапирале српски цивили за време на косовскиот конфликт, ги носеле во кампови во северна Албанија и им ги отстранувале органите за продажба на црниот пазар. (AФП, Косово тајмс - 07/08/09)