Сé уште не се знае победникот на изборите во Албанија

01/07/2009

TИРАНА, Албанија -- Исходот од парламентарните избори во неделата (28-ми јуни) зависи од резултатите од преостанатите 80 избирачки места каде што сé уште не се пребројани гласовите, објавија медиумите во средата. Според последните цифри, коалицијата предводена од владејачката Демократска партија освои 70 места, по што следи Коалицијата за промена, предводена од најголемата опозициска Социјалистичка партија, со 66 места. Социјалистичкото движење за интеграција е моментно на третото место со четири пратеници и може на крајот да биде клучен играч, ако ја даде својата поддршка за некоја од овие партии.

Исто така во вторникот, шведскиот министер за надворешни работи, Карл Билд, ќе направи проценка на изборниот процес пред да продолжи со процесуирањето на кандидатурата на Албанија за интеграција во ЕУ. „Албанија постигна огромен напредок“, рече тој. „Сепак, мораме внимателно да ги прочитаме извештаите на меѓународните набљудувачи за изборите, пред да донесеме одлука за процедурите во врска со апликацијата на Албанија.“ Шведска ќе го преземе ротирачкото претседавање со ЕУ в среда. (Шекули, Топ њус, Клан, ТВШ, ЕКИ енд Крик, Топ ченал, Балкан веб - 01/07/09)