Башеску побара од партиите да подготват стратегија за соочување со зголемените цени

02/07/2008

БУКУРЕШТ, Романија -- Претседателот Трајан Башеску во вторникот (1-ви јули) ги повика претставниците на партиите во парламентот, на разговори околу соочувањето со зголемените цени и ограничувањето на нивното влијание врз купувачката моќ на народот. На состанокот Башеску ги повика партиите „да покажат крајна одговорност“ во изнаоѓањето решение за олеснување на влијанието од зголемувањата на цените на храната и горивото, предизвикани претежно од надворешните фактори. Тој, исто така, предупреди да не се применуваат никакви популистички решенија во пресрет на престојните општи избори оваа есен. Тој рече дека овие лекови би можеле да имаат контраефект на среднорочен и долгорочен план за Романија. (Ромпрес, Медиафакс, Hotnews.ro - 01/07/08)